چودھری نثار رکن صوبائی اسمبلی کا حلف اُٹھا لیا

لاہور(نیوز ڈیسک)سابق وفاقی وزیر داخلہ چودھری نثار علی خان نے الیکشن کے دو سال دس ماہ بعد بطور رکن پنجاب اسمبلی کا حلف اٹھا لیا ہے۔ قائم مقام سپیکر سردار دوست محمد مزاری نے ان سے حلف لیا۔چودھری نثار علی خان نے ایوان میں جانے کے لئے حکومتی ارکان کے لابی کا انتخاب کیا۔ خیال رہے کہ پنجاب اسمبلی میں حکومت اور اپوزیشن ارکان کے لئے ایوان میں جانے کے لئے الگ الگ لابی مختص ہے۔ چودھری نثار علی خان سپیکر چیمبر سے نکل حکومتی لابی سے ایوان کے اندر گئے۔حلف اٹھانے کے بعد میڈیا نمائندوں نے چودھری نثار علی خان سے بات کرنے کی کوشش کی لیکن شدید دھکم پیل اور بہت زیادہ بھیڑ کی وجہ سے وہ پنجاب اسمبلی سے روانہ ہو گئے۔دوسری جانب وزیر قانون راجہ بشارت کی جانب سے جاری وضاحتی بیان میں کہا گیا ہے کہ کسی کے فون آنے بعد حلف سے روکنے کی بات میں کوئی سچائی نہیں، چودھری نثار کے سیاسی مخالف ضرور ہیں لیکن اسمبلی کا اپنا قانون ہے۔ پرسوں کسی نے فون کرکے نہیں کہا تھا کہ چودھری نثار کا حلف نہ لیں۔چودھری نثار علی خان نے رکن پنجاب اسمبلی کا حلف اُٹھا لیا راولپنڈی سے انکے ہمراہ لاہور جانے والوں میں چئیرمین راجہ شہزاد یونس، چئیرمین دوست محمد، وائس چئیرمین راجہ یونس،شیخ ساجد الرحمن،قاسم کیانی، راجہ جاوید اشرف و دیگر بھی اسمبلی ہال میں موجود تھے