پنڈی پوسٹ کی کامیابی کا 10 سالہ سفر

واقعات اورحقائق کی روشنی میں سچائی کی کھوج لگانے کا نام صحافت ہے موجودہ دور میں زرائع ابلاغ کی ترقی اورصحافت کی بدولت دنیا کے کسی بھی کونے میں رونما ہونے والے واقعے یا حادثے کی خبر منٹوں میں پوری دنیا میں پھیل جاتی ہے قومی سطح کے اخبارات میں ملکی اور بین الااقوامی خبروں کی اشاعت کو نمایاں جگہ دی جاتی ہے جبکہ علاقائی اخبارات مقامی سطح پر عوام کے سیاسی ثقافتی معاشی ومعاشرتی مسائل کو اجاگر کرنے میں انتہائی موثر کردار ادا کرتے ہیں اس حوالے سے راولپنڈی سے شائع ہونے والا ہفت روزہ اخبار پنڈی پوسٹ بھی اپنی اشاعت کے انتہائی کم عرصے میں علاقائی صحافت میں حقیقی معنوں میں عوام کی آواز بن کر ابھرا ہے پنڈی پوسٹ سے وابستہ صحافی محدود وسائل کے باوجود قلم کی طاقت وحرمت کا ادراک رکھتے ہوئے اپنی پیشہ وارانہ صحافتی زمہ داریاں پوری دیانتداری سے سرانجام دے رہے ہیں قارئین اکرام کو بتاتا چلوں کہ راولپنڈی سے شائع ہونے والا ہفت روزہ اخبار پنڈی پوسٹ نے صحافتی میدان میں انتہائی کامیابی سے اپنا سفر طے کرتے ہوئے آج اپنی اشاعت کے دس سال مکمل کرلیے ہیں پنڈی پوسٹ کی سالگرہ کے موقعہ پر اخبار کے ایڈیٹرجناب عبدالخطیب چوہدری صاحب بلاشبہ مبارکباد کے مستحق ہیں جنہوں نے بڑی دلجمعی کیساتھ عوامی امنگوں کے مطابق پنڈی پوسٹ کی اشاعت کا تسلسل بلا تعطل جاری رکھا اس عرصے میں پنڈی پوسٹ کے مقابلے میں علاقائی اخبارات کی اشاعت کے ناکام تجربات بھی کیے گئے تاہم کچھ ہی عرصہ بعدعوام میں پنڈی پوسٹ کی مقبولیت کے پیش نظر ان اخبارات کی اشاعت روک دی گئی پنڈی پوسٹ کی سالگرہ کے موقعہ پرمیں ان لکھاری شخصیات کے عزم وحوصلہ کو بھی خراج تحسین پیش کرتا ہوں جو ابتدا میں پنڈی پوسٹ کے ہمسفر رہے اور تاحال بطور صحافی مقامی عوامی مسائل اجاگر کرنے میں پنڈی پوسٹ کے کارواں میں شامل ہیں پنڈی پوسٹ اخبار کی اونر شپ ایک ایسی شخصیت کے ہاتھوں میں ہے جو نہ صرف صحافتی اقدار سے بخوبی واقف ہیں بلکہ حقائق پرمبنی خبروں کی نشرو اشاعت پرہمیشہ ثابت قدمی کا مظاہرہ کیا ہے انکی زیر سرپرستی پنڈی پوسٹ نے ہمیشہ غریب اور احساس محرومی کا شکار طبقے کی مشکلات کو حکام بالا تک پہچانے اور انکے مسائل کا مناسب حل تلاش کرنے میں انتہائی اہم کردار ادا کیا ہے قارئین پنڈی پوسٹ کا کوئی بھی شمارہ اٹھا کے دیکھ لیں آپکو مستنند خبروں اور تجزیات میں بھی غیرجانبدارتبصرے مطالعے کیلیے ملیں گے خواہ ان میں معاشرتی و معاشی مسائل یا علاقائی سیاست کے خدوخال انتظامی ڈھانچے اور منتخب نمائندوں کی کارگردگی کیساتھ تعمیری تنقید کو بھی ہمیشہ مدنظر رکھا جاتا ہے اسکے علاوہ سیاسی سماجی اور علمی شخصیات کی خدمات کو اجاگر کرنا بھی پنڈی پوسٹ کا ہی طرہ امتیاز ہے دیہی ثقافت اور رسم ورواج سے نوجوان نسل کو متعارف کرانے میں بھی پنڈی پوسٹ کا کردار قابل ستائش ہے اس حوالے سے پنڈی پوسٹ کی پوری ٹیم اپنی تحریروں میں حقیقت سے قریب ترین اپنا نقطہ نظر بیان کرتے ہوئے ہمیشہ معاشرہ کے اصلاحی پہلوؤؤں اور عوامی فلاح وبہبود ان کے پیش نظر رہتی ہے راقم بھی عرصہ 6 سال سے پنڈی پوسٹ کیساتھ منسلک ہے اور بطور لکھاری ہمیشہ سے یہی کوشش رہی ہے کہ درست حقائق کا کھوج لگا کر قارئین اکرام کو مستنند اور دلچسپ تحریریں مطالعہ کیلیے پیش کی جائیں جن میں
تنقید برائے اصلاح کا پہلو نمایاں ہو کسی کی ذات پر کیچڑ اچھالنے کی بجائے مہذب صحافتی اصولوں پر کاربند رہتے ہوئے مثبت انداز میں علاقائی مسائل کو اجاگر کرنا ہی پنڈی پوسٹ کی ٹیم کا شیوہ رہا ہے ہماری دیہی ثقافت اوررسم ورواج ہمارے دیہی معاشرے کا ایک قیمتی اثاثہ ہیں اسلیے راقم کی یہ ہمیشہ کوشش ہوتی ہے کہ اپنی تحریروں میں دیہی ثقافت کے روشن پہلوؤؤں شادی بیاہ کی پرانی رسومات آپسی میل جول اور رہنے سہنے کے طورطریقے مضبوط خاندانی روایات کی عکاسی اور پرانے وقتوں میں ہماری دیہی معاشرے میں ہمدردی اور غم خواری کے جو جذبات پنہاں تھے انہیں اجاگر کیا جائے اسکے علاوہ علاقے کی اہم علمی سیاسی ثقافتی و مذہبی شخصیات کا تعارف اور انکی خدمات آلہ موسیقی کے فن کے ماہرسازندوں کے فن اور انکی حالات زندگی سے قارئین اکرام کو باخبر رکھنے جیسی صحافتی زمہ داریوں کو اپنی طرف سے پنڈی پوسٹ کے پلیٹ فارم سے نبھانے کی بھرپور کوشش کی ہے اور میں ایسے ان تمام قارئین کا بے حد ممنون ومشکور ہوں جو میری تحریروں کے ردعمل میں ہمیشہ اصلاحی رائے دے کر حوصلہ افزائی کرتے ہیں اورمثبت تنقیدی نکات کیجانب بھی توجہ مبذول کراتے رہتے ہیں مستند خبروں سے قارئین کو باخبر رکھنا اخبارات کا اصل مقصد ہے اور اس حوالے سے پنڈی پوسٹ نے فیس بک پیج بھی بنا رکھا ہے جسکے زریعے قارئین کو لمحہ بہ لمحہ تازہ ترین علاقائی خبروں کی ترسیل کا عمل جاری رہتا ہے اسکے علاوہ پنڈی پوسٹ کی آفیشل ایپ بھی متعارف کرائی جاچکی ہے جسے قارئین اکرام گوگل پلے اسٹور سے ڈاؤن لوڈ بھی کرسکتے ہیں جبکہ تازہ ترین خبروں کے لیے پنڈی پوسٹ کا واٹس ایپ گروپ بھی ایکٹوہے جس میں آپ شمولیت اختیار کرسکتے ہیں پنڈی پوسٹ اخبار کی دسویں سالگرہ کے موقعہ پر اخبار کے مدیر اعلیٰ چوہدری عبدالخطیب صاحب‘معاون مدیر شہزاد رضاصاحب اور پنڈی پوسٹ ٹیم کے دیگر تمام اراکین بشمول تمام کالم نویسوں تمام مبصرین اور تمام قارئین کو میں دلی طور مبارکباد پیش کرتا ہوں اور اس پرمسرت موقع پر دعا گو ہوں کہ خدا پنڈی پوسٹ کے علمی گھر کوہمیشہ شاد و آباد رکھے اور بطور لکھاری پنڈی پوسٹ ہم سب کی توفیقات میں دن دگنی رات چوگنی ترقی عطا فرمائے۔ آمین