اسلام آباد(اویس الحق سے)وزیرِاعظم محمد شہباز شریف اور امیر جماعت اسلامی حافظ نعیم الرحمن کے درمیان ٹیلی فونک رابطہ۔وزیرِاعظم نے امیر جماعت اسلامی اور الخدمت فاؤنڈیشن کی غزہ متاثرین کیلئے امدادی سامان بھیجنے کے اس احسن اقدام اور کوششوں کو سراہا انھوں نے کہا کہ پاکستان اقوامِ عالم اور دنیا کے ہر فورم پر اپنے فلسطینی بہن بھائیوں کی آواز بن کر ان پر ہونے والے انسانیت سوز مظالم کے خلاف آواز اٹھاتا رہے گا جبکہ امیر جماعت اسلامی حافظ نعیم الرحمن نے موجودہ ملکی صورتحال پر بات چیت کرتے ہوئے وزیر اعظم میاں محمد شہباز شریف کا دل کی اتھا گہرائیوں سے شکریہ ادا کرتے ہوئے مستقبل میں الخدمت فاؤنڈیشن کی مزید حوصلہ افزائی اور رہنمائی کا اظہار کیا۔
