اسلام آباد(اویس الحق سے)نائب وزیراعظم اور وزیر خارجہ اسحاق ڈار نے چین کے صدر شی جن پنگ سے ملاقات کی۔اسحاق ڈار شنگھائی تعاون تنظیم (SCO) کے رکن ممالک کے وزرائے خارجہ کی مشترکہ کال پر پاکستان کی نمائندگی کے رہے ہیں۔شنگھائی تعاون تنظیم کے اجلاس میں موجود تمام دیگر ممالک کے وزرائے خارجہ سالانہ سربراہی اجلاس میں ایک دوسرے سے ملاقاتیں کرینگے،
اس موقع پر نائب وزیراعظم و وزیر خارجہ نے کہا کہ وہ شنگھائی تعاون تنظیم کے اجلاس سے قبل بیجنگ کے ”گریٹ ہال آف دی پیپل” میں شی جن پنگ سے مل کر انتہائی خوشی محسوس کر رہے ہیں اور انہوں نےپاکستان کی عوام اور حکومت کو دلی مبارکباد دیتے ہوئے مزید کہا کہ ہم پاک چین پائیدار دوستی کو مزید گہرا کرنے اور تعلقات کو آگے بڑھانے کے لیے پرعزم ہیں۔چینی صدر نے وفود کے سربراہوں کا خیرمقدم کرتے ہوئے،SCO کے دائرہ کار کے تحت علاقائی تعاون کی بہتری پر زور دیا۔وزارت خارجہ کے مطابق اسحاق ڈار دیگر وزرائے خارجہ کے ساتھ شنگھائی تعاون تنظیم کے وزرائے خارجہ کے اجلاس میں پاکستان کے وفد کی قیادت کر رہے ہیں۔
قبل ازیں اسحاق ڈار نے مختلف ایس،سی،او کے رکن ممالک کے وزرائے خارجہ سے بھی ملاقات کی،جس میں افہام و تفہیم اور تعاون کو مضبوط بنانے کے لیے خیالات کا اظہار کیا گیا انہوں نے ایران،ازبکستان اور بیلاروس کے ہم منصب کے ساتھ بھی ملاقاتیں کی۔یاد رہے کہ نائب وزیراعظم و وزیر خارجہ گزشتہ رات بیجنگ پہنچے جہاں ہوائی اڈے پر ان کا زبردست طریقے سے استقبال کیا گیا۔ہوائی اڈے پر استقبال چین کے ایمبیسڈر یو ہونگ، چین کی منسٹری آف فارن افیئرز کے شعبہ ایشیائی امور کے دیگر اعلیٰ حکام کے علاوہ چین میں پاکستان کے سفیر خلیل الرحمان ہاشمی نے کیا۔
