میجر محمد اکرم ضلع گجرات کے شہر ڈنگہ میں 4 اپریل 1938ء پیدا ہوئے لیکن ان کا موضع نکہ کلاں،جہلم سے تعلق تھا ابتدا میں وہ نان کمیشنڈ عہدے کے لیے منتخب ہوئے مگر پھر ملٹری اکیڈمی سے تربیت حاصل کرکہ خصوصی امتحانات پاس کرنے کے بعد 1963ء میں بحیثیت سیکنڈ لیفٹیننٹ پاکستان آرمی کی فرنٹیئر فورس رجمنٹ سے وابستہ ہوئے۔
1965ء میں میجر شہیدکوکیپٹن کے عہدے پر ترقی دی گئی اور انھوں نے1965ء کی پاک بھارت جنگ میں ظفر وال سیکٹر میں خدمات انجام دیں جبکہ 1970ء میں میجر کے عہدے پر تقرر کیا گیا
1971ء کی جنگ میں مشرقی پاکستان کےمحاذپر میجر محمد اکرم نے اپنی فرنٹیئر فورس کی کمانڈ میں مسلسل پانچ دن اور پانچ راتیں اپنے سے کئی گنا زیادہ بھارتی فوج کی پیش قدمی روک کر دشمن کے اوسان خطا کر دیے۔
میجر محمد اکرم نے دشمن کے خلاف بہادری سے لڑتے ہوئے 5دسمبر 1971کو جام شہادت نوش کیا۔ آپ کو 1971ء میں پاکستان اور بھارت کے درمیان میں لڑی گئی جنگ میں بہادری کے کارنامے دکھانے پر پاکستان کا اعلیٰ ترین فوجی اعزاز نشان حیدر سے نوازا گیا۔
ان کی یادگار بھی جہلم میں شاندار چوک کے پاس بنائی گئی
