مندرہ (نمائندہ پنڈی پوسٹ)مندرہ کے نجی الائیڈ بنک کے منہ زور عملے نے صارفین کو ناکوں چنے چبوا دیے متاثرہ صارفین فریاد لیکر پریس کلب پہنچ گئے تفصیلات کے مطابق انجمن تا جران مندرہ کے صد رعبد الرشید زرگر، ہارون رشید نے صحافیوں کو تفصیلات سے آگاہ کرتے ہوئے کہا کہ ہم نے مندرہ کے نجی الائیڈ بنک میں اکاونٹ کھلوا رکھا ہے ماہ مقدس میں ہمارے اورسیزعزیز و اقارب نے رقوم بھیجی ہم ماہ صیام میں روزے کی حالت میں بھکاریوں کی طرح تپتی دھوپ میں اپنے پیسوں کے لیے گھنٹوں کھڑے رہ کر جب بنک کے اندر جاتے تو یہی جواب ملتا کہ پیسے نہیں آئے حتیٰ کے عید کی چھٹیوں کے بعد بھی جب کئی گھنٹوں انتظارکے باری آتی تو کبھی سسٹم کی خرابی تو کبھی ابھی پیسے نہیں آئے کا بہانہ بناکر ٹال دیا جاتا رہا مزید استفسار پر عملہ سیخ پا ہو کر ہم صارفین کے ساتھ ہتک آمیز رویہ اختیار کرتے ہوئے اورہمیں ذلیل و خوار کر کے بنک ھذ ا سے نکا لا گیا گویا ہم مذکورہ بنک کے اکاونٹ ہولڈر نہیں بلکہ بھکاری ہیں ہم زونل چیف الائیڈ بنک و دیگر بنک ھذا کے زمہ داران سے مطالبہ کرتے ہیں کہ وہ مندرہ کے نجی الائیڈ بنک کے بے لگام عملے اور منیجر کو صارفین کے ساتھ ناروا سلوک پر محکمانہ کاروائی عمل میں لائیں بصورت دیگر ہم اپنے اور دیگر جاننے والوں کے اکاونٹ الائیڈ بنک مندرہ سے ختم کر کے دیگر بنکوں میں کھلوانے پر مجبور ہونگے۔
224
