پی ایس ایل فرنچائز ملتان سلطانز کے مالک علی ترین نے پاکستان کرکٹ بورڈ (پی سی بی) کی جانب سے جاری کردہ شوکاز نوٹس کو مبینہ طور پر پھاڑ کر ردی کی ٹوکری میں پھینک دیا، جس پر کرکٹ حلقوں اور شائقین کی جانب سے شدید ردِعمل سامنے آ رہا ہے۔
ذرائع کے مطابق، پی سی بی نے علی ترین کو بعض بیانات اور رویّے کے باعث شوکاز نوٹس جاری کیا تھا، جس میں ان سے وضاحت طلب کی گئی تھی۔ تاہم، علی ترین نے مبینہ طور پر نوٹس کو نظر انداز کرتے ہوئے پھاڑ دیا اور ردی میں پھینک دیا۔
سوشل میڈیا پر اس واقعے کے بعد بحث چھڑ گئی ہے کہ کیا کسی فرنچائز مالک کو قومی ادارے کے نوٹس کے ساتھ ایسا رویہ اختیار کرنا چاہیے؟ کچھ حلقے اس اقدام کو “انتظامی بغاوت” قرار دے رہے ہیں جبکہ دیگر افراد کے مطابق، پی سی بی کو بھی اپنے طرزِ عمل پر نظرِ ثانی کرنی چاہیے۔
ادھر پی سی بی کے ترجمان کا کہنا ہے کہ واقعے کی تفصیلات کی تصدیق کی جا رہی ہیں، اور اگر علی ترین نے واقعی ایسا کیا ہے تو ضابطہ اخلاق کے تحت کارروائی کی جائے گی۔
