سی سی ڈی جہلم کو تھانہ صدر، جہلم کی حدود میں کھرالہ کے مقام پر دو مشکوک افراد کی موجودگی کی اطلاع ملی جس پر ٹیم نے چھاپہ مارا، جیسے ہی ٹیم موقع پر پہنچی، ٹیم کو دیکھتے ہی ملزمان نے فائرنگ شروع کر دی ا ایک گولی کنسٹیبل کے سینے پر لگی۔ لیکن خوش قسمتی سے بلٹ پروف جیکٹ کی وجہ سے محفوظ رہا۔ ملزمان فائرنگ کرتے ہوئے فرار ہوگئے ٹیم نے ملزمان کا پیچھا کیاتھوڑی دیر بعد ملزمان میں سے ایک ملزم زخمی حالت میں گرفتار کرلیاگیا،جس کی شناخت کاشف حسین ولد آصف حسین سکنہ نیا محلہ جہلم کےنام سے ہوئی جبکہ اس کاساتھی اندھیرے کا فائدہ اٹھا کر فرار ہو گیا زخمی کو طبی امداد کے لیے ڈی ایچ کیو ہسپتال جہلم منتقل کیاگیاہے، جبکہ ہمراہی ملزم کی گرفتاری کے لیے بھی چھاپے مارے جا رہے ہیں۔ مذکورہ زخمی ملزم کےقبضہ سے ایک پسٹل بھی برآمد ہوا ہے۔ ملزم موٹرسائیکل چور گینگ کا سرغنہ ہے اور 20 سے زائد مقدما ت میں سابقہ ریکارڈ یافتہ ہے، ملزم سے مزید انکشافات متوقع ہیں
