اسلام آباد(اویس الحق سے)سابق رکن قومی اسمبلی رمیشن کمار کے گھر میں عقبی دیوار پھلانگ کر 3 مسلح ڈاکو داخل ہوئے، ڈاکووں نے چوکیداد پر تشدد کیا اور اسے یرغمال بنالیا۔
مسلح ڈاکو رمیش کمار کے گھر سے 5 قیمتی گھڑیاں جن کی قیمت لاکھوں میں بتائی جا رہی اور گھر کا دیگر سامان لے اڑے۔
پولیس نے واقعے کا مقدمہ درج کرلیا ہے، جس کے مطابق ڈاکو مجموعی طور پر رمیش کمار کے گھر سے ڈیڑھ کروڑ مالیت کا سامان لے اڑے ہیں۔
یہاں یہ امر قابل ذکر ہے کہ مسلح ڈاکو ملازمین کو تشدد کا نشانہ بھی بناتے رہے اور آپس میں مسلسل ایک دوسرے سے بات کرتے رہے تاہم اسلام آباد پولیس نے تھانہ شہزاد ٹاون میں مقدمہ درج کرکے تحقیقات شروع کر دی۔
