روات(نمائندہ پنڈی پوسٹ)تحریک انصاف کے 8 فروری کو صوابی احتجاجی جلسہ کو ناکام بنانے کے لیے روات پولیس نے تحریک انصاف کے مقامی رہنماؤں کی گرفتاریوں کا آغاز کر دیا اس سلسلہ میں گزشتہ شب پولیس نے تحریک انصاف یوسی لوہدرہ کے سابق جنرل سیکرٹری چوہدری حماد ( ابن چک ) کے ڈیرے پر ریڈ کیا تاہم چوہدری حماد موجود نہ تھے اور پولیس بغیر کسی گرفتاری کے واپس روانہ ہو گئی
تاہم دوسرے چھاپے کے دوران پولیس کو ایک کامیابی ملی جس میں صوبائی ٹکٹ ہولڈر تحریک انصاف راجہ عبدالوحید قاسم کی رہائش گاہ پوٹھوار حویلی میں چھاپہ مار کر حسن نذیر کیانی کو گرفتار کر لیا۔
تحریک انصاف کی ضلعی وتحصیلی قیادت نے پولیس کی گرفتاریوں پر رد عمل دیتے ہوئے کہا ہے کہ حکومت اوچھے ہتھکنڈوں پر اتر آئی ہے ہمیں احتجاج سے کوئی طاقت نہیں روک سکتی 8 فروری2024کو جعلی حکومت کا قیام عمل میں لایا گیا ہم اس اقدام کے خلاف ہر سطح پر احتجاج کریں گے
