ایبٹ آباد سے تعلق رکھنے والے ایک سیکیورٹی گارڈ نے تھانہ روات میں درخواست جمع کرواتے ہوئے الزام عائد کیا ہے کہ دورانِ ڈیوٹی مشتعل افغانیوں نے اسے نہ صرف شدید تشدد کا نشانہ بنایا بلکہ اس سے قیمتی اشیاءبھی چھین لیں۔درخواست گزار کے مطابق، وہ کلر سیداں روڈ پر واقع ایک مارکی میں سیکیورٹی گارڈ کے فرائض انجام دے رہا تھا جہاں ایک فنکشن جاری تھا۔ شکایت کنندہ کا کہنا ہے کہ گل خان نامی شخص جبری طور پر اندر داخل ہونے کی کوشش کر رہا تھا، جسے روکے جانے پر وہ مشتعل ہوگیا اور اپنے ساتھیوں کے ساتھ مل کر حملہ کردیا۔حملہ آوروں میں ارسلان خان، نور خان، نذیر، عالم جان عرف جالی، حکیم خان، اور دیگر افراد شامل تھے جنہوں نے سیکیورٹی گارڈ پر لاٹھیوں، ڈنڈوں اور مکوں سے حملہ کیا، جس سے اسے شدید چوٹیں آئیں۔ متاثرہ شخص نے دعویٰ کیا ہے کہ اس کے دانت، بازو اور ٹانگ پر چوٹیں آئیں جبکہ چند افراد نے اس کی قیمتی اشیاءبھی چرا لیں۔شکایت میں مزید کہا گیا ہے کہ اس واقعے کے گواہان میں طارق عزیز، عبدالعزیز، اور دیگر مقامی افراد شامل ہیں۔ متاثرہ سیکیورٹی گارڈ نے پولیس اور اعلیٰ حکام سے اپیل کی ہے کہ حملہ آوروں کے خلاف سخت قانونی کارروائی کی جائے اور اسے انصاف فراہم کیا جائے۔یاد رہے کہ اس نوعیت کے واقعات محنت کش طبقے میں شدید خوف و ہراس پھیلا رہے ہیں، جس پر قانون نافذ کرنے والے اداروں کی فوری توجہ ضروری ہے۔
9
