مری(اویس الحق سے)مری شہر اور مضافات میں چلنے والی لوکل پبلک ٹرانسپورٹ میں شدید بدانتظامی، اور چارجگ اور زیادتی کی شکایات پر ڈی سی مری نے مقامی لوگوں اور سیاحوں کو ہر ممکن تعاون اور درستگی احوال کی مکمل یقین دہانی کروائی ہے۔
ایسے میں مقامی لوگوں اور سیاحوں نے شکایت کی تھی کہ فیض آباد راولپنڈی سے مری تک سفر جو تقریباً 55 سے 60 کلومیٹر کا ہے اس کا کرایہ فی سواری 300 روپے وصول کیا جاتا ہے جو بہت زیادہ ہے۔اس طرح ٹرانسپورٹ کمپنیون کی جانب سے ایسی گاڑیاں 15 سیٹوں پر مشتمل رجسٹر کی گئی تھیں لیکن ان میں 18 سے 20 سواریاں بٹھائی جاتی ہیں جس سے مسافروں کی جان کو بھی خطرہ لاحق ہوتا ہے۔
ایسے میں اگر کسی کے پاس کرایہ کم ہو تو اسے گاڑی سے اتار دیا جاتا ہے اور دھکم پیل کی نوبت آتی ہے۔اس رویے کی وجہ سے مقامی لوگ اور سیاح سخت پریشان ہیں،جس کی وجہ سے مری کی سیاحت پر منفی اثرات مرتب ہو رے ہیں۔
سیاحوں اور مقامی لوگوں کی جانب سے توجہ دلائے جانے پر ڈی سی مری نے کرایہ کے فی کلومیٹر کے حساب سے طے کیئے جانے سمیت دیر بے ضابطگیوں کے خلاف فوری کاروائی کی یقین دہانی کرائی ہے.
