دریا گلی کے انتہائی ملنسار نوجوان واپڈا ملازم عدنان خالق حقیقی سے جا ملے،علاقے کی فضا سوگوار۔

مری(اویس الحق سے)بجلی فراہم کرنے والے ادارے واپڈا اور شہریوں کےلئے ہمیشہ سے شاندار خدمات پیش کرنے والے دریاگلی کٹلی والے عبدالرحمن عباسی کے بڑے بیٹے اور ارسلان عباسی کے بڑے بھائی عدنان عباسی واپڈا والے  خالق حقیقی سے جا ملے ۔مرحوم انتہائی ملنسار اور خوش اخلاق طبیعت کے مالک تھے۔شدید برفباری ہو یا گرمی عوامی خدمت کےلئے ہمیشہ سے سرگرم رہنے والے نوجوان واپڈا ملازم عدنان عباسی کی اچانک وفات کی خبر سن کر اہل علاقہ میں غم کی لہر دوڑ گئی جبکہ اہل خانہ جواں سالہ عدنان عباسی کی موت پر شدید غم میں مبتلا ہوگئے ہیں۔ان کی نماز جنازہ گزشتہ رات  ان کے آبائی علاقے میں ادا کر دی گئی۔اہل علاقہ نے ان کی وفات پر دلی افسوس اور سوگواران سے دلی تعزیت کی ہے۔