گزشتہ روز
تحریک نوجوان اتحاد یونین کونسل کھلانا کی کور کمیٹی کا اجلاس، عوامی مسائل پر اہم اقدامات
تحریک نوجوان اتحاد یونین کونسل کھلانا کی کور کمیٹی کے تحت مختلف دیہات کے عوامی مسائل اور نوجوانوں کے اتحاد کے حوالے سے کشمیر ہاؤس میں ایک اہم اجلاس منعقد ہوا، جس میں تحریک کے سینئر ممبران، نمائندگان اور یونین کونسل کھلانا کے عوام نے بھرپور شرکت کی۔ اجلاس میں مختلف شعبہ ہائے زندگی میں اصلاحات، عوامی سہولیات کی بہتری اور نوجوانوں کی حوصلہ افزائی کے حوالے سے تفصیلی اور بامقصد گفتگو کی گئی۔
اجلاس میں تحریک نوجوان اتحاد کے ممبران نے کثیر تعداد میں شرکت کی، جبکہ یونین کونسل کھلانا کے عوام نے بھی بھرپور انداز میں شرکت کرتے ہوئے اپنی دلچسپی اور اعتماد کا اظہار کیا۔ اس موقع پر مختلف دیہات کے مجموعی طور پر 16 گاؤں کے نمائندگان نے اجلاس میں شرکت کر کے اپنے اپنے علاقوں کے مسائل اور تجاویز پیش کیں۔
اہم اجلاس اور نکات
نوجوان اتحاد اور عوامی خدمت
کور کمیٹی ممبر محمد زوہیب اعوان نے داخ شاہکنجہ کے عوامی مسائل اور نوجوان اتحاد کے حوالے سے اجلاس کی صدارت کی۔ اجلاس کا آغاز تلاوتِ قرآن پاک سے کیا گیا۔ انہوں نے اپنے خطاب میں واضح کیا کہ تحریک نوجوان اتحاد امانت داری، دیانت اور سچائی کی بنیاد پر عوامی خدمت کرے گی، ووٹ کی سیاست یا ذاتی مفادات کے لیے نہیں۔
انہوں نے کہا کہ:کسی فرد یا امیدوار کو ووٹ دینے کا کوئی وعدہ نہیں کیا گیا۔
صرف اسی امیدوار یا قیادت کے ساتھ تعاون کیا جائے گا جو عوامی مطالبات کو تسلیم کرے اور ان پر عملی اقدامات کرے۔
اس موقع پر راجہ صاحب نے یقین دہانی کروائی کہ عوامی خدمت ان کا اولین مقصد ہے اور وہ ووٹ کی لالچ میں نہیں آئیں گے۔
صحت کے شعبے میں اقدامات
مشاورتی کمیٹی کے ممبر ذاکر عباسی نے راجپور، شاہکنجہ اور سگنہ کی ڈسپنسریوں میں عملے کی کمی اور ادویات کی عدم دستیابی جیسے سنگین مسائل اجاگر کیے۔
راجہ صاحب اور ایم ایل اے جناب محمد فاروق حیدر صاحب نے یقین دہانی کروائی کہ:
تمام متعلقہ ڈسپنسریوں میں عملہ تعینات کیا جائے گا۔
ادویات کی بروقت اور مستقل فراہمی یقینی بنائی جائے گی۔
آر ایچ سی کھلانا میں ایم بی بی ایس ڈاکٹر کی تعیناتی چند دنوں میں عمل میں لائی جائے گی۔
تعلیمی اداروں میں اصلاحات
کور کمیٹی ممبر داؤد رفیق چوہان نے پرائمری، مڈل اور ہائی اسکولز کے مسائل پر اجلاس کی صدارت کی۔ اجلاس میں درج ذیل یقین دہانیاں کروائی گئیں:
بانڈی بالا کے پرائمری اسکول میں مکمل عملہ تعینات کیا جائے گا۔
شاہکنجہ مڈل اسکول کو ہائی اسکول کا درجہ دیا جائے گا۔
کھلانا کالجز میں کمپیوٹر لیب کے آغاز اور آئی کام کے نوٹیفکیشن کا عمل جلد مکمل کیا جائے گا۔
سڑکوں اور انفراسٹرکچر کے منصوبے
محمد شاہزیب احمد خان (نمائندہ راجپور) نے مین روڈ اور لنک روڈز کی صورتحال پر تفصیلی بریفنگ دی۔
ایم ایل اے جناب محمد فاروق حیدر صاحب نے یقین دہانی کروائی کہ مین روڈ پر کام جلد شروع کیا جائے گا جبکہ مختلف لنک روڈز پر بھی پراسس جاری ہے۔
اسی طرح عتیق مغل (نمائندہ دوبنگ و فیلاں) نے بینکرز اور لنک روڈز کے مسائل اجاگر کیے، جن پر مکمل عملدرآمد کی یقین دہانی کروائی گئی۔
یونین کونسل کے مجموعی عوامی مسائل
لیاقت الاسلام (ممبر کور کمیٹی و مرکزی نمائندہ) نے یونین کونسل کے 16 دیہات کے عوامی مسائل پیش کیے، جن میں سڑکیں، تعلیم، صاف پانی، صحت اور دیگر بنیادی سہولیات شامل تھیں۔
اہم فیصلوں میں شامل ہیں:
سڑکوں کی ری کنڈیشن جلد کی جائے گی۔
گرلز ہائی اسکول کھلانا کو فعال رکھا جائے گا۔
بانڈی بالا اور راجپور کے اسکولوں میں اسٹاف بحال کیا جائے گا اور واش رومز کی کمی پوری کی جائے گی۔
دبنگ کی لنک روڈ کی منظوری اور تکمیل کا امکان جلد ظاہر کیا گیا۔
نوجوانوں کی حوصلہ افزائی
تحریک نوجوان اتحاد کے ممبر اختر مہناس نے اپنی ٹیم کے ہمراہ اجلاس میں شرکت کی اور نوجوانوں کو اتحاد، نظم و ضبط اور مثبت کردار ادا کرنے کی ترغیب دی۔
شرکاء
اجلاس میں محمد زوہیب اعوان، داؤد رفیق چوہان، محمد شاہزیب احمد خان، عتیق مغل، لیاقت الاسلام، حافظ محمد ریاض، ذاکر عباسی، اختر مہناس سمیت کور کمیٹی کے دیگر سینئر ممبران اور نمائندگان نے شرکت کی۔
نتیجہ
کور کمیٹی نے تمام اجلاسوں کے نتائج اور عوامی مطالبات کو مرتب کیا، جنہیں ایم ایل اے جناب محمد فاروق حیدر صاحب نے مکمل طور پر تسلیم کرتے ہوئے تمام امور پر مرحلہ وار عملدرآمد کی یقین دہانی کروائی۔
جاری کردہ:
کور کمیٹی
تحریک نوجوان اتحاد
یونین کونسل کھلانا
