پروفیسر محمد حسین
اسلام ایک آفاقی دین ہے جس نے دنیا میں آنے والے انسان کے لئے زندگی گزارنے کا ایک مکمل لائحہ عمل دیا ہے اور تمام جانداروں کے حقوق متعین کئے ہیں اسلام نے مرد عورت دونوں کے حقوق کو الگ الگ واضع طور پر بیان کردیا ہے اسلام وہ دین ہے جس نے عورت کو اس کے تمام حقوق کے ساتھ باعزت زندگی گزارنے کا حق دیا ہے اسلام کے ابتدائی دور میں یونان جس کو تہذیب وتمدن کا منبع تصور کیا جاتا تھا وہاں سامان تجارت کی مانند عورتیں فروخت کی جاتی تھیں اسلام نے ان تمام جاہلانہ رسوم ورواج کو ختم کر کے عورتوں کو معاشرے میں ایک باعزت مقام عطاکیا اور انہیں وراثت کا حقدار قرار دے کر اس کی کامل وضاحت کر دی غیر مسلموں میں اب بھی عورتوں کو وراثت کا حقدار نہیں سمجھا جاتا اسی کے پیش نظر باپ اپنی بیٹی کی شادی میں اپنی استطاعت کے بقدر ضروریات زندگی کا سامان تیار کر کے جہیز کی صورت میں دیتا ہے یہاں تک کہ یہ جہیز والی صورت ہر شادی کے لئے لازمی صورت اختیار کر گئی ہے برصغیر میں ہندومسلم باہمی اختلاط کی وجہ سے جہیز کی وباء مسلمانوں میں بھی سرایت کر گئی اللہ تعالیٰ کے متعین کردہ حقوق کو بھلا کر مسلمان جہیز کی لعنت میں گرفتار ہوگئے اور جہیز کے نام پر مسلم خواتین کا استحصال کیا جانے لگا نیک سیرت بچیوں کی ایک بڑی تعداد ہر روز جہیز کے نام پر بھینٹ چڑھتی ہے متاع عیش کے طلبگار بھکاریوں نے نہ جانے کتنی مسلم بہنوں کو نذر آتش کیا ہے اخبارات کی سرخیاں جہیز کی بھینٹ پر چڑھی ہوئی معصوم لڑکیوں کے خون سے ہرروز رنگی ہوئی ہوتی ہیں دور حاضر میں جہیز مسلم معاشرے کے لئے وہ ناسور بن چکاہے جس کی گرفت سے خلاصی ممکن نظرنہیں آتی بلکہ یوں کہا جائے کہ معاشرے کا ایک بڑا طبقہ اسے اپنے لئے باعث افتخار سمجھتا ہے اور اس لعنت سے خود کوآزاد نہیں کرانا چاہتا اسلام نے جس قدر نکاح کو آسان بنایا تھا دولت کو معبود کا درجہ دینے والوں نے اتنا ہی مشکل بنادیا اقبال نے جنہیں شاہین سمجھا تھا آج کا سۂ گدائی لئے بنت حوا کی مجبوریوں کا ناجائز فائدہ اٹھاکر دین مستقیم کے قلعے کو مسمار کرنے کے درپے ہیں جس مقدس رشتے کے ذریعے ایک صالح معاشرے کا قیام ممکن ہے اس کی ابتدا احکام اسلام کو یکسر پس پشت ڈال کر کی جاتی ہے حد تویہ ہے کہ اگر کوئی لوگ اس بری رسم کے خلاف کمر بستہ ہوتے ہیں اور اپنے بچوں کی شادی میں طریقہ نبویؐ کو اختیار کرتے ہیں تو مادیت کے پرستاردین اسلام کی دھجیاں اڑانے والے الزام تراشی شروع کر دیتے ہیں رسول اکرم ؐنے فرمایا سب سے بابرکت نکاح وہ ہے جس میں سب سے زیادہ آسانی ہو اسلام نے نکاح کو بہت ہی آسان بنایا ہے جب مسلمان شریعت مطہرہ پر قائم تھے اور نکاح طریقہ نبوی ؐپر ہوتا تھا توزیادتی کی لعنت ناپید تھی روئے زمین پر بسنے والی تمام قوموں میں سب سے زیادہ پاکباز مسلم معاشرہ تھا مگر افسوس کہ جب سے جہیز جیسی لعنت معاشرہ میں آئی ہے اور نکاح دنیا کا مشکل ترین کام بن گیا ہے تب سے زیادتی کی وباء عام ہوگئی ہے غربت وافلاس کی زنجیروں میں قید ایک باپ جب بر وقت اپنی جوان بیٹی کو نکاح کے مقدس رشتے میں باندھنے سے عاجزآجاتا ہے تو یہ ظالم معاشرہ ہر طرح کی الزام تراشیاں شروع کردیتا ہے کبھی لڑکی کو منحوس قرار دے دیتا ہے اور کبھی اس پر شناساکے ساتھ کے ساتھ ملنے کا بہتان لگایا جاتاہے اس کے نتیجہ میں حواکی پاکباز بیٹی کے قدم ڈگمگا جاتے ہیں اور وہ گناہوں کے دلدل میں دھنسی چلی جاتی ہے آج مسلم نوجوانوں کی بڑی تعداد جنسی بے راہ روی کا شکار ہوگئی ہے ہر طرح کی برائیاں سماج
میں جنم لے رہی ہیں بروقت نکاح کے مقدس رشتے میں نہ بندھنے کی وجہ سے بچوں اور بچیوں کا گھر سے فرار ہو کر شادی کرنے کی رسم عروج پر اور معمول بن چکی ہے وہ مسلم قوم جس کے شب وروز کا ہر ایک عمل زبان کا ہر ایک قول اور جس کی زندگی کا ہر معمول سنت رسول ؐکے سانچے
میں ڈھلا ہوا تھا معاملات سے لے کر عبادت تک اور اخلاق وعادات سے لے کر معاشرے تک ہر شعبہ میں جن کی زندگی رسول اکرمؐ کی اتباع کی نمونہ تھی وہ اٹھنے بیٹھنے کھانے پینے اور اس طرح کے تمام طبعی امور میں بھی نہ صرف سنتوںؐ کا خیال رکھتے تھے بلکہ مکمل پابندی کے ساتھ ان پر عمل پیراتھے وہ آج جا ہلانہ رسم ورواج کے گرویدہ بن چکے ہیں سنت نبوی کو یکسر فراموش کر چکے ہیں جہیز جیسی لعنت کو اپنی زندگی کا اہم حصہ نبا چکے ہیں اور پھر بھی عشق ومحبت کا دم بھرتے ہیں اور خود کو عاشق رسول ؐاور محسن انسانیت کا گرویدہ سمجھتے ہیں اتنباع رسول ؐکے بغیر عشق نبی ؐکا دم بھرنا عشق وعبدیت کی توہین اور منافقت نہیں تواور کیا ہے ذراسوچئے قومیں اور تہذیبیں اپنے تشخص اور امتیازی تعلیمات سے زندہ رہتی ہیں اور جب کوئی قوم اپنا تشخص کھو بیٹھتی ہے تو اسے ماضی کا حصہ بننے میں کوئی دیر نہیں لگتی یہ کونساعشق رسولؐہے کہ صنف نازک کو خودکشی پر مجبور کر کے سکون محسوس کیا جائے آج ہمارے وطن پاکستان کے تمام چھوٹے بڑے شہروں میں جہیز کی لعنت عام ہے اور ہر روز کسی نہ کسی بنت حواکے جلنے ‘گولی مارنے اور زہر دے کر ہلاکت کی خبریں آتی ہیں یہی عشق رسول ؐہے کہ وہ نبیؐ جنہوں نے اپنی بیٹیوں کو اتنی اہمیت دی اور ان کے امتی آج امت کی بیٹیوں کو جہیزکے نام پر زندہ درگو کر رہے ہیں خدارا غریب کی آہ نہ لیں جہیز کی رسم کو ختم کریں یہ اسلامی شعار نہیں ہے یہ محض ہندوانہ رسم ہے حدیث پاک ہے یعنی جس نے کسی قوم کی مشعابت اختیار کی گویا وہ اسی میں سے ہے آج اگر ہم نے جہیز جیسی لعنت کا قلع قمع نہ کیا تو کل بروز قیامت ہمارا حشر بھی ان فرعونیوں کے ہمراہ ہوگا جنہوں نے اس لعنت کی بنیاد ڈالی اللہ ہمیں اس لعنت سے محفوظ رکھے (آمین)
134
