ٹیکسلا۔ ایم این اے آسیہ ناز تنولی نے کہا ہے کہ وفاقی اور پنجاب حکومت عوام کی فلاح وبہبود کے لیے ترجیح بنیادوں پر کام کررہی ہیں حالیہ بارشوں سے ہونے والی تباہی پر قوم کا ہر فرد سوگوار ہے،متاثرہ علاقوں میں امدادی کاروائیاں جاری ہیں،بارش کی تباہ کاریوں سے قیمتی جانوں کے ضیاع پر ہمیں دکھ ہے حکومت تمام متاثرہ لوگوں کی بحالی کے لیے دن رات کام کررہی ہے،ان خیالات کا اظہار انھوں نے یونین کونسل ٹھٹھہ خلیل میں حالیہ تیز بارشوں کے باعث مکان کی چھت گرنے سے اقبال نامی شخص کے جاں بحق ہونے پر ان کے ورثاء کو حکومت کی جانب سے امدادی چیک دینے کے موقع پر میڈیا سے گفتگو کے دوران کیا۔
ایم پی اے محسن ایوب خان، کوارڈینیٹر ملک وسیم شہزاد گجر، اسسٹنٹ کمشنر ماریہ جاوید،حاجی ملک سلیم آف ڈھوک نادر،ملک طاہر محمود طاہری،سید آفتاب حسین شاہ بخاری سمیت دیگر عمائدین علاقہ بھی موجود تھے، تمام مقامی نمائندوں نے مرحوم کے اہلِ خانہ سے دلی ہمدردی اور تعزیت کا اظہار کرتے ہوئے یقین دلایا کہ متاثرہ خاندان کو ہر ممکن تعاون فراہم کیاجائے گا۔
ایم پی اے محسن ایوب خان نے کہا کہ حلقہ کے اندر بارشوں سے ہونے والے جانی و مالی نقصان کا ازالہ کیا جائے گا،ملک وسیم شہزاد نے کہا کہ ہمیں مرحوم اقبال کے جاں بحق ہونے پر دلی صدمہ ہوا ہے،ہم اہل خانہ کے دکھ درد میں برابر کے شریک ہیں۔
