لاہور(نیوز ڈیسک)میٹرک امتحانات میں ایک ماہ تاخیر کیلئے آل پاکستان پرائیویٹ سکولز ایسوسی ایشن نے وزیر اعلی پنجاب اور سیکریٹری ہائرایجوکیشن کو خط لکھ دیا۔میڈیا رپورٹس کے مطابق مرکزی صدر ایپسا میاں شبیراحمد ہاشمی نے کہا ہے کہ سموگ اور موسم سرما کی تعطیلات کی وجہ سے بچوں کے قیمتی وقت کا ضیاع ہوچکاہے ۔ان کا کہنا تھا کہ تقریبا ایک ماہ کی تعطیلات کی وجہ سے بچوں کا سلیبس نامکمل ہے۔ سلیبس کی تکمیل، دہرائی اور ٹیسٹ سیشن کیلئے ایک ماہ کا مزید وقت دیا جائے ۔مرکزی صدر ایپسا میاں شبیراحمد ہاشمی کا مزید کہنا تھا کہ طویل تعطیلات اور الیکشن کی وجہ سے میٹرک امتحانات 15 اپریل سے شروع کیے جائیں۔انہوں نے مطالبہ کیا کہ پیف، پیما، میٹرک سمیت تمام امتحانات ایک ماہ تاخیر سے شروع کیے جائیں۔
129
