راولپنڈی(نمائندہ پنڈی پوسٹ)تھانہ صدر واہ باہتر موڑ کے قریب قتل کے ملزم کی گرفتاری کے لئے جانے والی پولیس ریڈنگ پارٹی پر 03 ملزمان کی فائرنگ،فائرنگ کے تبادلے کے دوران مطلوب ملزم آکاش عرف کاشی زخمی حالت میں گرفتار، اسلحہ برآمد،ملزم آکاش عرف کاشی قتل، اقدام قتل کے مقدمات میں ریکارڈیافتہ ہے جس نے ایک روز قبل بھی صدر واہ کے علاقہ میں فائرنگ کر کے غلام علی نامی شخص کو قتل جبکہ شاہ زیب کو زخمی کر دیا تھا۔ تفصیلات کے مطابق تھانہ صدر واہ باہتر موڑ کے قریب قتل کے ملزم کی گرفتاری کے لئے جانے والی پولیس ریڈنگ پارٹی پر 03 ملزمان نے فائرنگ کر دی،فائرنگ کے تبادلے کے دوران پولیس نے مطلوب ملزم آکاش عرف کاشی کو زخمی حالت میں گرفتار کرلیا، ملزم کے قبضہ سے اسلحہ برآمدہوا، ملزم کا ساتھی فائرنگ کرتے ہوئے فرار ہو گیا، واقعہ کی اطلاع پر سینئر پولیس افسران نفری کے ہمراہ موقعہ پر پہنچ گئے،ملزم آکاش عرف کاشی قتل، اقدام قتل کے مقدمات میں ریکارڈیافتہ ہے جس نے ایک روز قبل بھی صدر واہ کے علاقہ میں فائرنگ کر کے غلام علی نامی شخص کو قتل جبکہ شاہ زیب کو زخمی کر دیا تھا،زخمی حالت میں گرفتار ملزم آکاش عرف کاشی کو ہسپتال منتقل کیا گیا ہے، جبکہ فرار ملزمان کی گرفتاری کے لئے سرچ آپریشن کیا گیا، اے ایس پی ٹیکسلا نے بتایا کہ موقعہ سے شواہد اکٹھے کیے گئے ہیں، واقعہ کا مقدمہ درج کر کے ملزم کو ٹھوس شواہد کے ساتھ چالان عدالت کیا جائے گا.
116
