راولپنڈی (نمائندہ پنڈی پوسٹ) —
PCB چیلنج کپ 2025 میں شاندار کارکردگی دکھانے والے نوجوان کرکٹر شاہزیب خان برکزئی کو ٹورنامنٹ کا نمبر 1 بیٹر قرار دیا گیا ہے۔ شاہزیب کا تعلق ضلع حویلی، آزاد کشمیر سے ہے اور وہ پیشن کرکٹ کلب راولپنڈی کی نمائندگی کرتے ہیں۔
شاہزیب خان نے پونچھ ڈسٹرکٹ کی نمائندگی کرتے ہوئے چیلنج کپ 2025 میں کُل 6 میچز کھیلے جن میں انہوں نے 3 شاندار سنچریاں اور 5 ففٹیز کی مدد سے 708 رنز بنائے۔ ان کی مستقل مزاجی اور جارحانہ بلے بازی نے نہ صرف شائقین کرکٹ کو متاثر کیا بلکہ انہیں پورے ٹورنامنٹ کا نمایاں ترین بلے باز بھی بنا دیا۔
اس عظیم کامیابی پر پنڈی پوسٹ کی جانب سے شاہزیب خان برکزئی، ان کے اہلِ خانہ اور اساتذہ کو دلی مبارکباد پیش کی جاتی ہے۔ نوجوان کھلاڑی کی یہ کامیابی آزاد کشمیر خصوصاً ضلع حویلی کے نوجوانوں کے لیے مشعلِ راہ ہے۔
رپورٹ: حافظ عزیر شفیق بھٹی
نمائندہ: پنڈی پوسٹ
