بکڑالہ پل کے قریب جی ٹی روڈ سوہاوہ پر خوفناک حادثہ، دو ٹرکوں میں تصادم — دو افراد جاں بحق
ریسکیو ذرائع کے مطابق، دونوں ٹرک راولپنڈی کی جانب جا رہے تھے کہ ایک ٹرک دوسرے سے ٹکرا کر سڑک سے نیچے جا گرا اور درختوں میں پھنس گیا۔ ٹرک میں تین افراد سوار تھے۔
حادثے کے دوران ایک شخص نے موقع پر ہی چھلانگ لگا کر جان بچا لی، جبکہ دو افراد ٹرک میں پھنس گئے۔
اطلاع ملتے ہی ریسکیو 1122 کی ایمبولینس اور ریسکیو وہیکل فوری طور پر موقع پر روانہ کی گئیں۔ ریسکیو ٹیموں نے پھنسے ہوئے افراد کو نکالنے کے لیے آپریشن کیا، تاہم دونوں افراد موقع پر ہی جاں بحق ہو گئے۔
جاں بحق ہونے والوں کی شناخت شمندروز خان ولد شاہ صاحب اور میرمت خان ولد سائل خان کے نام سے ہوئی، جن کا تعلق خیبر ایجنسی سے بتایا جا رہا ہے۔
حادثے کے باعث جی ٹی روڈ پر ٹریفک کی روانی متاثر ہوئی، تاہم ریسکیو ٹیموں اور پولیس نے موقع پر پہنچ کر سڑک کو کلیئر کروا دیا۔
