واہ کینٹ۔ بصیرت ہائی اسکول نئی نسل کو شعور، ہمدردی اور برابری سکھا رہا ہے یاسر منظور ۔ بصیرت ہائی اسکول فار انکلوسیو ایجوکیشن واہ کینٹ میں یومِ آزادی کے حوالے سے ایک پروقار تقریب کا انعقاد کیا گیا۔ تقریب میں مختلف شعبہ ہائے زندگی سے تعلق رکھنے والی معزز شخصیات نے شرکت کی۔ اسکول کے طلبہ نے ملی نغمے، ترانے اور خاکے پیش کرکے حاضرین سے خوب داد سمیٹی۔ تقریب کے مہمانِ خصوصی معروف سماجی شخصیت یاسر منظور تھے۔ انہوں نے اسکول کی جانب سے معذور اور نارمل بچوں کو یکساں تعلیمی ماحول فراہم کرنے کی کاوشوں کو سراہا اور خراجِ تحسین پیش کیا۔ یاسر منظور نے اپنے خطاب میں کہا کہ آزادی اللہ تعالیٰ کی عظیم نعمت ہے جس کے لیے ہمارے بزرگوں نے بیش بہا قربانیاں دیں۔ ہمیں چاہیے کہ نئی نسل کو آزادی کی قدر اور اس کی حفاظت کا شعور دیں آخر میں اسکول کی پرنسپل جویریہ فیصل نے تمام مہمانوں کا شکریہ ادا کیا اور اسکول کی تعلیمی خدمات کا خلاصہ پیش کیا۔
