جہلم(نمائندہ پنڈی پوسٹ) سابق وفاقی وزیر فواد چوہدری نے کہا ہے جتنا عرصہ اسمبلی میں رہا پوری ذمہ داری کے ساتھ ملک کے اعلیٰ ترین ایوان میں ضلع جہلم کے عوام کی بھرپور نمائندگی کا حق ادا کیا۔ہمارا حلقہ انتہائی پسماندہ تھا،سڑکیں،گلیاں کھنڈرات میں تبدیل ہو چکی تھیں،نہر نہ ہونے کی وجہ سے زمینیں بنجر تھیں،پنڈدادنخان اور کھیوڑہ میں پانی کی شدید قلت تھی،اسپتالوں اور تعلیمی اداروں میں ڈاکٹرز،ٹیچرزاور عملے کی کمی تھی،عوام نے منتخب کرکے اسمبلی پہنچایا تو قومی اسمبلی میں جہلم،پنڈدادنخان کے عوام کی بھرپور نمائندگی کی،سب سے پہلے جلالپورشریف تاکندوال نہر کا کام شروع کروایا،لِلہ تا جہلم 128 کلو میٹر دورویہ سڑک کا منصوبہ منظور کروانے کے بعد کام شروع کروایا،رابطہ سڑکیں بنوائی،اسپتالوں میں ڈاکٹرز اور عملے کی کمی پوری کروائی،تعلیمی اداروں میں اساتذہ کی تعداد پوری کروائی گئی،تھانہ کچہری اور پٹوار کی سیاست کا خاتمہ کرکے میرٹ کو ترجیح دی،کپتان نے ٹکٹ دیا عوام نے منتخب کیا دونوں کے ساتھ وفاداری نبھانے کی ہرممکن کوشش کی،وزیر اعظم عمران خان7 بار پنڈدادنخان اور جہلم آئے،کپتان نے رجیم چینج کے بعد اسمبلی سے استعفوں کا فیصلہ کیا تو انکے ہر فیصلے پر لبیک کہا،قومی اسمبلی کی نشست تحریک انصاف کی امانت تھی وہ امانت احسن طریقے سے واپس لوٹا دی، خود کو اگلے انتخابات میں جہلم کے عوام کی عدالت میں پیش کروں گا امید ہے کہ ضلع جہلم کے غیور، باغیرت،نڈرعوام مجھے ایک بار پھر خدمت کا موقع فراہم کرینگے جو کام رہ گئے ہیں انشاء اللہ پورے کئے جائیں گے۔
83
