اسلام آباد(نمائندہ پنڈی پوسٹ)سول ایوی ایشن اتھارٹی نے پاکستان آنے والے مسافروں کیلئے نیاسفری ہدایات نامہ جاری کردیا، جس میں بورڈنگ سے 48گھنٹے پہلے کیا گیا پی سی آرٹیسٹ دیکھنا لازمی قرار دیا ہے۔تفصیلات کے مطابق سول ایوی ایشن اتھارٹی نے نیاسفری ہدایات نامہ جاری کردیا اور بدلتی کورونا صورتحال کے پیش نظر سی ایاے نے کیٹگریزمیں بھی میں ردوبدل کردی۔کورونا صورتحال کے تحت فضائی سفر،کیٹگری سی ممالک کی فہرست میں توسیع کردی ہے، شعبہ ایئرٹرانسپورٹ کی جانب سے نوٹی فکیشن میں کہا گیا ہے کہ کیٹگری سی ممالک کی تعداد7سے15کردی گئی۔نوٹی فکیشن کے مطابق کیٹگری سی ممالک میں جنوبی افریقہ،نیدرلینڈ،ہنگری،ائرلینڈ، کروشیا،سلووینیا،ویتنام،پولینڈ،موزمبیق سمیت 15ممالک شامل ہیں۔سول ایوی ایشن کا کہنا ہے کہ کیٹگری سی ممالک سے پاکستان آنے پرمکمل پابندی ہوگی جبکہ ان ممالک سے ایمرجنسی سفرپر سی اے اے کا خصوصی اجازت نامہ درکار ہوگا۔نوٹیفکیشن پاکستان آنے سے تمام مسافروں کیلئے ویکسی نیشن لازمی قرار دیتے ہوئے کہا ہے کہ 6 سال اورزائد عمر کے پاکستانیوں،غیرملکیوں کیلئے پی سی آر ٹیسٹ لازمی ہوگا۔سی اے اے کے مطابق بورڈنگ سے 48گھنٹے پہلے کیا گیا پی سی آرٹیسٹ دیکھنالازمی ہوگا جبکہ کیٹگری بی میں سری لنکا، افغانستان، امریکا، برطانیہ، ترکی سمیت 13 ممالک شامل ہیں، اس کیٹگری ممالک سیآنیوالے مسافروں کاپی سی آرٹیسٹ لازمی قرار دیا ہے۔نوٹیفکیشن میں کہا گیا ہے کہ سعودی عرب، قطر، یواے ای کے مسافروں کا ریپڈانٹیجنٹ ٹیسٹ کیا جائے گا۔
335
