راولپنڈی(نمائندہ پنڈی پوسٹ) پنجاب آرٹس کونسل میں یوم اقبال کے سلسلے میں ٹیبلو،کلام اقبال اور تقریری مقابلوں کا اہتمام کیا گیا۔ مقابلوں کے مہمان خصوصی ڈائریکٹر آرٹس کونسل وقار احمد تھے،کلام اقبال کے مقابلو ں میں ردا کی پہلی، مریم بی بی کی دوسری جبکہ عائشہ کی تیسری پوزیشن آئی۔کلام اقبال کے مقابلوں میں شکوہ اور جواب شکوہ کی پرفارمنس نے شائقین کے دل مول لیے۔ٹیبلو کے مقابلوں میں فیوچر فاونڈیشن سکول کے بچوں نے پہلی پوزیشن اپنے نام کی جبکہ دارالسلام اورامبرین سکول بالاترتیب دوسرے اور تیسرے نمبر پر آئے۔ تقریری مقابلوں میں میں عجوہ نے پہلی، اذکا کلیم نے دوسری جبکہ ریخاب رانی نے تیسری پوزیشن حاصل کی۔مقابلوں میں پروفیسر باقر وسیم قاضی،پروفیسر ڈاکٹر محمد نفیس،پروفیسر جلیل اختر ستی اور پروفیسر محمد اعظم نے ججز کے فرائض سرانجام دیے۔تقریب سے خطاب کرتے ہوئے ڈائریکٹرآرٹس کونسل وقار احمد کا کہنا تھا کہ علامہ اقبال کی فکری سوچ پر عمل پیرا ہو کر ہم پاکستان کو عظیم تر بنا سکتے ہیں۔مفکر پاکستان نے فلسفہ خودی سے آنے والی نسلوں تک کو مقصد حیات دیا۔ علامہ اقبال کا شہرہ آفاق کلام دُنیا کے ہر حصے میں پڑھا اور سمجھا جاتا ہے۔معروف شاعراوردانشورنعیم اکرم قریشی نے کہا کہ شاعر مشرق نے ہمیشہ مسلمانوں کو آپس میں اتحاد اور اتفاق کی تلقین کی اور دعوت عمل دی۔ان کا مزید کہنا تھا کہ فرقہ واریت، نظریاتی انتہا پسندی اور نئے اجتماعی گروہوں کی تشکیل جیسے معاملات پر اقبال کی سوچ آج بھی ہمارے لیے مشعل راہ ہے۔اس موقع پرمختصرنوعیت کا کھیل بھی پیش کیا گیا۔ مقابلوں میں طلبا وطالبات بڑی تعداد میں شریک ہوئے۔
اہم خبریں
عدالتوں پر مکمل یقین ہے کہ وہ مری پریس کلب کے صدر کو باعزت بری کرینگی۔مری یونین آف جرنلسٹس۔
راولپنڈی کینٹ بورڈ کی غفلت: ساجد بخاری روڈ پر نالے کے پل پر حفاظتی گرلز نہ ہونے سے شہریوں کی زندگیاں خطرے میں
ڈومیلی فتح پور کے مقام پر ایک نوجوان نالہ سے گذرتے ہوئے ڈوب گیا
حلقہ کے عوام کے ساتھ ہمارا ذاتی تعلق ہے حلقہ کی تعمیر و ترقی میں ہمارے خاندان کا نمایاں کردار ہے: عمار صدیق خان
اب گاڑی ، موٹر سائیکل کے نمبر مالک کے نام پر نمبر جاری ہوں گےگاڑی ٹرانسفر کروانے کی صورت میں نمبرپلیٹ اتار کرپرانا مالک اپنے پاس رکھے گا
سنگین جرائم میں ملوث ملزمان کے خلاف کاروائی کرنے والے افسران و اہلکاروں کے اعزاز میں تقریب کا انعقاد
اسلام آباد: تھانہ کورال کی حدود میں دن دہاڑے ڈکیتی، غوری ٹاؤن فارا چوک پر میڈیکل اسٹور لوٹ لیا گیا
کھنہ پل لہتراڑ روڈ ریڑی مافیا اور تجاوزات مافیا کا گڑھ بن گیا
پنجاب انفورسمنٹ اینڈ ریگولیٹری اتھارٹی (پـیـرا) اٹک کی تجاوزات کے خلاف پہلی بڑی کارروائی
پاکستان نے آپریشن سندور سے متعلق بھارت کے اشتعال انگیز دعوے مسترد کردیے