عمران خان جھوٹے اور بے بنیاد مقدمات سے گھبرانے والا نہیں، قوم عمران خان کے ساتھ سیسہ پلائی دیوار کی طرح کھڑی ہے: حاجی ریاض اعوان

ٹیکسلا۔ پاکستان تحریک انصاف شمالی پنجاب کے سابق ڈپٹی سیکرٹری انفارمیشن حاجی ریاض حسین اعوان نے کہا ہے کہ پوری قوم عمران خان کے ساتھ سیسہ پلائی دیوار کی طرح کھڑی ہے، عمران خان ایک بہادر لیڈر ہے وہ جھوٹے اور بے بنیاد مقدمات سے ڈرنے اور گھبرانے والا نہیں ان خیالات کا اظہار انہوں نے اڈیالہ جیل راولپنڈی کے باہر عمران خان اور ان کی بہنوں کے ساتھ اظہار یکجتی کے موقع پر صحافیوں سے گفتگو کرتے ہوئے کیا اس موقع پر سابق ڈپٹی انفارمیشن سیکرٹری تحریک انصاف شمالی پنجاب ایم این اے شاہد خان خٹک بھی موجود تھے۔

حاجی ریاض اعوان نے مزید کہا کہ عمران خان قوم کی خاطر جیل میں ہیں وہ جھکنے والے نہیں اور نہ ہی بزدلوں کی طرح ڈیل کر کے بیرون ملک فرار ہونے والے بلکہ وہ مضبوط اعصاب کے مالک ہیں عمران خان نے ملک و قوم کی جنگ لڑی ہے وہ دلیر لیڈر ہے جس نے قوم کو ایک سوچ دی ہے اس وقت عمران خان کو ناحق جیل میں رکھا گیا ہے

حاجی ریاض اعوان نے کہا کہ انشاء اللہ عمران خان جلد رہا ہوں گے اور ایک بار پھر ملک وقوم کے لیے اپنا فعال کردار ادا کریں گے۔