گُلریز کالونی کے بڑے وفد کی پارلیمانی سیکرٹری  چوہدری نعیم اعجاز  سے “بلو ہلز آفس” میں ملاقات

کالونی کے معزز مکینوں اور معتبر شخصیات پر مشتمل ایک بڑے وفد نے MPA PP-10 اور پارلیمانی سیکرٹری جناب چوہدری نعیم اعجاز  سے “بلو ہلز آفس” میں تفصیلی ملاقات کی ہے

وفد میں محافظ گروپ گلریز کالونی، ونگ کمانڈر ریٹائرڈ مسعود احمد بھٹی، میجر ریٹائرڈ ضمیر احمد بٹ، دیگر فوجی افسران، اساتذہ، وکلاء اور تاجر حضرات شامل تھے۔ 1.5 گھنٹے طویل ملاقات میں علاقے کے اہم مسائل پیش کیے گئے۔

جناب MPA چوہدری نعیم اعجاز صاحب نے نہایت خلوص، سنجیدگی اور توجہ سے تمام مسائل سنے، نوٹ کیے، اور مکمل یقین دہانی کروائی کہ وقت کے ساتھ ساتھ تمام مسائل ترجیحی بنیادوں پر حل کیے جائیں گے۔

یہ ملاقات سینئر نائب صدر مسلم لیگ (ن) ضلع راولپنڈی ڈاکٹر احمد ضیاء راجپوت صاحب کی خصوصی کاوش سے ممکن ہوئی۔ وفد نے ان کا اور جناب چوہدری نعیم اعجاز صاحب کا تہہ دل سے شکریہ ادا کیا جنہوں نے انتہائی محبت اور خلوص کے ساتھ وفد کا استقبال کیا اور قیمتی وقت دیا۔