گوجرخان (نمائندہ پنڈی پوسٹ ریسکیو 1122 کنٹرول روم کو اطلاع موصول ہوئی کہ مسہ کسوال، نزد پی سی او پمپ، جی ٹی روڈ گوجر خان پر ایک افسوسناک حادثہ پیش آیا ہے، جہاں سڑک کے کنارے کھڑی ایک خاتون کو تیز رفتار ٹرک نے کچل دیا۔ حادثے کے نتیجے میں خاتون موقع پر ہی جاں بحق ہو گئیں۔
ریسکیو 1122 کی ایمرجنسی وہیکل فوری طور پر موقع پر پہنچ گئی، جبکہ مقامی پولیس بھی جائے وقوعہ پر موجود تھی۔ ابتدائی قانونی کارروائی مکمل کرنے کے بعد متوفیہ کی لاش کو تحصیل ہیڈ کوارٹر ہسپتال گوجر خان منتقل کر دیا گیا ہے۔ خاتون کی شناخت منیرہ بیگم زوجہ گلزار احمد کے نام سے ہوئی جن کی عمر 74 سال تھی
پولیس نے واقعے کی تحقیقات شروع کر دی ہیں، جبکہ ٹرک ڈرائیور کی تلاش جاری ہے۔ عینی شاہدین کے مطابق حادثہ تیز رفتاری کے باعث پیش آیا۔
