گوجر خان‘چوری ڈکیتی کی دومختلف وارداتیں

گوجرخان (نمائندہ پنڈی پوسٹ) گوجرخان سرکل، چوری ڈکیتی کی دو الگ الگ وارداتیں،نامعلوم چور کھیت میں پڑی مونگ پھلی چرا کر لے گئے جبکہ اسلحہ کی نوک پر ریلوے ملازم کو لوٹ لیا گیا،پولیس نے الگ الگ مقدمات درج کر لیے ہیں،فضل الرحمن سکنہ آہدی نے پولیس تھانہ جاتلی کو بتایا کہ اس نے چار کنال پر مونگ پھلی کاشت کی اور رات کو مونگ پھلی کاٹ کر کھیت میں رکھی ہوئی تھی جسے کسی نے چوری کر لیاہے ادھر حیات اللہ وٹو سکنہ ریلوے کالونی گوجرخان نے پولیس تھانہ گوجرخان کو بتایا کہ وہ پاکستان ریلوے میں بطور کیبن مین کام کرتا ہے گزشتہ رات ساڑھے بارہ بجے ڈیوٹی ختم کر کے گھر واپس جا رہاتھا اورجب ڈنگی ٹاہلی مخالف سمت پہنچااچانک چار افراد جن میں سے دو مسلح پسٹل تھے سامنے آگئے اور اسلحہ کی نوک پر مجھ سے نقدی مبلغ 3500 روپے اور ایک عدد موبائل فون چھین لیا اور فرار ہوگئے پولیس نے دونوں درخواستوں پر الگ الگ مقدمات درج کر لیے ہیں۔