گوجرخان  جاتلی پولیس کی بڑی کارروائی — دو اشتہاری اور مطلوب قاتل گرفتار

تھانہ جاتلی پولیس نے سنگین مقدمات میں مطلوب دو اشتہاری ملزمان کو گرفتار کر کے اہم کامیابی حاصل کر لی۔

تفصیلات کے مطابق، انچارج ایچ آئی یو سب انسپکٹر ملک مختار احمد کی سربراہی میں پولیس ٹیم نے مقدمہ نمبر 423/23 بجرم 302/311/34 ت پ میں نامزد اشتہاری ملزم غفران سلطان کو شیخوپورہ سے گرفتار کر لیا۔
ملزم پر الزام تھا کہ اس نے غیرت کے نام پر اپنے خالہ زاد بھائی سعید اختر کی بیٹی کو قتل کیا تھا۔ پولیس نے خفیہ اطلاع پر کارروائی کرتے ہوئے ملزم کو باحفاظت حراست میں لے لیا۔

اسی طرح دوسری کارروائی میں پولیس نے مقدمہ نمبر 184/16 بجرم 302/109/34 ت پ میں نامزد ملزم احسان عباس ولد غلام عباس کو گرفتار کیا، جسے جوڈیشل ریمانڈ پر اڈیالہ جیل منتقل کر دیا گیا۔

تھانہ جاتلی پولیس کے ترجمان کے مطابق، دونوں گرفتاریاں پیشہ ورانہ مہارت اور جدید تفتیشی تکنیک کے نتیجے میں عمل میں آئیں۔
ایس ایچ او جاتلی نے اس عزم کا اظہار کیا کہ قاتلوں، اشتہاریوں اور دیگر جرائم پیشہ عناصر کے خلاف بلا امتیاز کارروائیاں جاری رہیں گی تاکہ علاقے کو جرائم سے مکمل طور پر پاک کیا جا سکے۔