راولپنڈی (نمائندہ خصوصی) — تھانہ جاتلی پولیس کی بڑی کارروائی، ایس ایچ او جاتلی اور ان کی ٹیم نے حصال موڑ پر کامیاب چھاپہ مار کارروائی کے دوران ایک منشیات فروش کو گرفتار کرلیا۔
پولیس ذرائع کے مطابق ملزم کی شناخت محمد ارشاد کے نام سے ہوئی ہے جس کے قبضے سے 1620 گرام چرس برآمد کی گئی۔ ملزم کو حصال موڑ سے رنگے ہاتھوں دھر لیا گیا۔
ایس ایچ او جاتلی نے بتایا کہ ملزم کے خلاف مقدمہ درج کر کے مزید تفتیش شروع کر دی گئی ہے تاکہ اس کے دیگر سہولت کاروں اور نیٹ ورک تک بھی پہنچا جا سکے۔ پولیس حکام کا کہنا ہے کہ علاقے کو منشیات فروشوں سے پاک کرنے کے لیے کارروائیاں مزید تیز کی جائیں گی۔
