کہوٹہ،کچی بستی میں آگ لگنے سے متعدد خاندان بے گھر

کہوٹہ (سہیل ستی)کہوٹہ ٹاؤن کے علاقہ پلنگڑی میں کچی بستی کی جھگیوں میں اچانک آگ بھڑک اٹھی ۔ذرائع کے مطابق ایک جھگی میں بچے انڈا فرائی کر رہے تھے جس سے اچانک آگ بھڑک اٹھی جس نے دیکھتے ہی دیکھتے بہت سی جھگیوں کو اپنی لپیٹ میں لے لیا۔جس سے آٹھ کے قریب جھگیاں جل کر خاکستر ہو گئی اور سامان مکمل تباہ ہو گیا ۔ عوام نے اپنی مدد آپ کے تحت پانی اور دیگر دستیاب وسائل سے آگ بجھائی پولیس تھانہ کہوٹہ موقع پہ پہنچ گئی جس نے علاقہ کو گھیرے میں لے لیا اور اہلیان علاقہ کی آگ بجھانے میں مدد کی ۔اس دوران ریسکیو 1122 مکمل غائب نظر آئی جبکہ آگ بجھ جانے کے بعد ریسکیو کی فائر ٹیم پہنچی۔