کلر سیداں (راجہ سعید)محمد مہربان سکنہ سکوٹ نے پولیس کو مقدمہ درج کراتے ہوئے بیان کیا کہ گزشتہ روز مسمیان حسنین صادق اور اویس صادق نے میری ملکیتی زمین میں آگ لگادی جو دیکھتے ہی دیکھتے شدت اختیار کر گئی جس کی وجہ سے میری ملکیتی زمین میں موجود درخت بھی جل گئے۔آگ کے شعلے مویشیوں کے کمرے تک جا پہنچے جس کی وجہ سے آگ کی لو لگنے سے وہاں بندھے ہوئے متعدد مویشیوں نے بھاگ کر اپنی جانیں بچائیں۔آگ کی وجہ سے تین ٹرالی گوبر بھی جل گیا اورجب ہم آگ بجھانے کیلئے زمین پر گئے تو ملزمان نے مجھے اور میری بیوی کو گالم گلوچ کی اور تشدد کے نتیجے میں میری بیوی کا دانت ٹوٹ گیا۔موقع پر کارروائی کیلئے ریسکیو 15 کو متعدد بار کالیں کیں مگر اس کے باوجود پولیس موقع پر نہ پہنچ سکی۔
337
