کھنہ پولیس کی شاندار کارکردگی: لاپتہ بچے چند گھنٹوں میں بازیاب، والدین کا اظہار تشکر

اسلام آباد (حماد چوہدری)تھانہ کھنہ کے ایس ایچ او عامر حیات اور ان کی ٹیم نے ایک اور شاندار کامیابی حاصل کرتے ہوئے برما ٹاؤن سے لاپتہ ہونے والے بچوں کو چند گھنٹوں کی محنت کے بعد بازیاب کروا لیا۔ بچوں کے لاپتہ ہونے کی اطلاع ملتے ہی پولیس فوری طور پر متحرک ہوئی اور ایس ایچ او عامر حیات کی زیرِ نگرانی مؤثر حکمت عملی کے ذریعے چند گھنٹوں کے اندر بچوں کو بحفاظت تلاش کرلیا گیا۔بچوں کے والدین نے پولیس کی فوری کارروائی اور پیشہ ورانہ صلاحیتوں پر اطمینان کا اظہار کرتے ہوئے ایس ایچ او کھنہ اور ان کی ٹیم کا دلی شکریہ ادا کیا۔ ان کا کہنا تھا کہ اگر دیگر تھانوں کے افسران بھی اسی جذبے اور ذمہ داری سے کام کریں تو یقیناً اسلام آباد کو جرائم سے پاک شہر بنانے کا خواب جلد شرمندۂ تعبیر ہوسکتا ہے۔علاقہ مکینوں اور سماجی حلقوں کی جانب سے بھی کھنہ پولیس کی اس بروقت اور مؤثر کارروائی کو سراہا جا رہا ہے، جو نہ صرف پولیس پر عوامی اعتماد کو بحال کر رہی ہے بلکہ جرائم کے خلاف ایک مضبوط پیغام بھی دے رہی ہے۔