گوجرخان (عامروزیرملک ) سوشل میڈیا اور مختلف واٹس ایپ گروپوں میں باولے کتے کے کاٹنے سے چار پانچ بندوں کے بھی باولے ہونے اور لوگوں کو کاٹنے کی خبروں میں کوئی صداقت نہیں ہے ۔ گوجرخان انتظامیہ کے ذمہ دار ذرائع نے نوائے وقت سے گفتگو کرتے ہوئے ان افواہوں کی سختی کے ساتھ تردید کرتے ہوئے کہا کہ تحصیل گوجرخان کی کسی بھی گاوں وغیرہ میں اس قسم کا کوئی واقعہ پیش نہیں آیا واٹس ایپ گروپوں میں بغیر تحقیق و تصدیق ایسے میسج اور دیگر واقعات کی ویڈیوز کلپس باولے کتوں اور بندوں سے منسلک کر کے آگے شئیر کر کے خوف و ہراس پھیلایا جا رہا ہے ۔ ۔ انہوں نے شہریوں سے اپیل کی کہ وہ ذمہ داری کا مظاہرہ کرتے ہوئے ایسی گمراہ کن اطلاعات فارورڈ کرنے سے گریز کریں۔ یاد رہے کہ یہی ویڈیو کلپ چند روز قبل اٹک اور کلرسیداں کے مختلف علاقوں کے گروپوں میں وائرل ہونے تھے۔۔ گوجرخان میں ایسا کوئی واقعہ پیش نہیں آیا
