اسسٹنٹ کمشنر کلرسیداں شبانہ نذیر نے ڈپٹی ڈسٹرکٹ ہیلتھ آفیسر ڈاکٹر فرحت ابراھیم کے ہمراہ محلہ غوثیہ میں ڈینگی سرویلنیس ٹیم کی سویپنگ ایکٹیویٹی کا جائزہ لیا اس دوران انہوں نے ٹیم کے ہمراہ گھروں کو بھی چیک کیااسسٹنٹ کمشنر نے ٹیموں کو مزید مستعدی سے ڈینگی سرویلنس کرنے کی ہدایت کی اور محلے میں موجود خالی پلاٹوں کے مالکان سے رابطہ کر کے جھاڑیاں اور گھاس کو تلف کروانے کی ہدایات جاری کیں
انڈور لاروا نکلنے پر متعلقہ گھر کے افراد کو احتیاط برتنے کی ہدایت جاری کیں جبکہ آوٹ ڈور میں لاروا ملنے کی صورت میں ٹی ایس آئی اور اینٹامالوجسٹ کو سخت کارروائی کا حکم جاری کیا- اور اس عزم کا اعادہ کیا کہ ڈینگی کی روک تھام کے لئے تحصیل انتظامیہ ہر ممکن اقدامات کرے گی اسسٹنت کمشنر نے عوام کو ڈینگی سے بچاؤ کے لئیے احتیاطی تدابیر اپنانے کی ھدایت کی –
