کلرسیداں ،تین کمسن بچے نالہ سریں میں ڈوب کر جانبحق

چوآخالصہ کے نواحی گاؤں ٹکال میں افسوسناک واقعہ: نالہ سریں میں ڈوبنے سے تین کمسن بچے جاں بحق—
چوآخالصہ کے نواحی گاؤں ٹکال ڈھوک بابا جماعت میں آج ایک دلخراش واقعہ پیش آیا، جہاں نالہ سریں میں نہاتے ہوئے تین کمسن بچے ڈوب کر جاں بحق ہو گئے۔ جاں بحق بچوں کا تعلق ایک ہی خاندان سے ہے اور یہ سب آپس میں حقیقی کزن تھے۔

واقعے کی ابتدائی اطلاعات کے مطابق:
آفتاب احمد کا ایک کم سن بیٹا
ندیم احمدکا ایک بیٹا اور ایک بیٹی
کلیم اور نعیم کے بچے بھی ساتھ موجود تھے
تمام بچے صبح گھر سے نکلے اور نزدیکی نالے کی طرف گئے۔ وہاں نہاتے ہوئے تین بچے پانی میں ڈوب گئے۔ باقی دو بچوں کو زندہ بچ گے عینی شاہدین کے مطابق قریبی کرش پلانٹ میں کام کرنے والے مزدور کچھ ہی فاصلے پر یکسلیریٹر چلا رہے تھے۔ دو بچوں نے بھاگ کر ان مزدوروں کو واقعے کی اطلاع دی، جس پر فوری کارروائی کی گئی اور دو بچوں کو بچا لیا گیا۔
جاں بحق بچوں کی عمریں 7 اور 8 سال کے درمیان بتائی جاتی ہیں

یہ سانحہ علاقے میں کہرام مچا گیا ہے، اور اہلِ علاقہ اور رشتہ دار شدید غم کی حالت میں ہیں۔ متاثرہ خاندانوں کے ساتھ اظہارِ تعزیت کے لیے لوگ بڑی تعداد میں جمع ہو رہے ہیں۔
دعا ہے کہ اللہ تعالیٰ مرحوم بچوں کو جوارِ رحمت میں جگہ دے اور اہل خانہ کو صبر جمیل عطا فرمائے۔

جن کی شناحت حمزہ عمر 8 سال ،طیبہ عمر 9 سال، عثمان عمر 10 سال سے ہوئی