کرائم کنٹرول ڈپارٹمنٹ (CCD) راولپنڈی

محترمہ بینش فاطمہ — جو محکمہ پولیس میں اپنی پیشہ ورانہ مہارت اور قائدانہ صلاحیتوں کی بدولت منفرد مقام رکھتی ہیں — نے بطور چیف ٹریفک آفیسر (CTO) راولپنڈی اپنے فرائض نہایت محنت، دیانت داری اور وژن کے ساتھ سرانجام دیے۔ اب وہ بطور ایس پی کرائم کنٹرول ڈپارٹمنٹ (CCD) راولپنڈی اپنی پیشہ ورانہ صلاحیتوں کو جرائم کے خاتمے اور امن و امان کے قیام کے لیے بروئے کار لا رہی ہیں۔

بطور ایس پی CCD، محترمہ بینش فاطمہ کی قیادت میں محکمہ نے نہ صرف کرائم کنٹرول کے حوالے سے مؤثر اقدامات کیے بلکہ منظم جرائم کی روک تھام، حساس نوعیت کے کیسز کی تفتیش اور مجرموں کی گرفتاری کے لیے مربوط حکمت عملی اختیار کی۔ ان کی سرپرستی میں CCD راولپنڈی نے متعدد اہم مقدمات کو ٹریس کیا اور جرائم پیشہ عناصر کو قانون کے شکنجے میں لانے میں نمایاں کامیابیاں حاصل کیں۔دوسری جانب، محسن شاہ — جو اس وقت بطور ایس ایچ او کرائم کنٹرول ڈپارٹمنٹ راولپنڈی تعینات ہیں — ایک پیشہ ور، متحرک اور تجربہ کار پولیس آفیسر کی حیثیت سے جانے جاتے ہیں۔

جرائم پیشہ عناصر کے خلاف مختلف کارروائیوں میں ان کی قیادت اور تفتیشی صلاحیتیں قابل ستائش رہی ہیں۔ انہوں نے حساس نوعیت کے آپریشنز میں اپنی ٹیم کے ہمراہ پیشہ ورانہ انداز میں حصہ لیا اور کئی اہم کامیابیاں حاصل کیں۔محترمہ بینش فاطمہ اور محسن شاہ کی ٹیم ورک، قانون کی عملداری اور عوامی خدمت کے جذبے سے سرشار کارکردگی کو نہ صرف محکمانہ سطح پر سراہا جا رہا ہے

بلکہ عوامی حلقے بھی ان کی انتھک محنت اور جرائم کے خلاف مؤثر کارروائیوں کو قدر کی نگاہ سے دیکھتے ہیں۔کرائم کنٹرول ڈپارٹمنٹ راولپنڈی، ان دونوں افسران کی قیادت میں شہریوں کے جان و مال کے تحفظ اور قانون کی بالادستی کے لیے متحرک اور پرعزم انداز میں اپنا کردار ادا کر رہا ہے