ڈی سی مری کی جانب سے سوشل میڈیا پر ٹریول ایڈوائزری جاری سیاح واپس لوٹ گئے

راولپنڈی(اویس الحق سے)مری میں اس وقت انتہائی خوف و ہراس کا سماں مقامی لوگوں اور سیاحوں میں دیکھا گیا جب ڈی،سی مری کے فیس بک پیچ جس کو سیاح فالو کرتے ہیں اس پر اور سوشل میڈیا پر مری میں”کلاؤڈ برسٹ” سمیت طوفانی بارشوں کا الرٹ جاری کیا گیا۔مری آنے والے سیاحوں کو موسم کی پیشگی اطلاع دینا تو درست عمل تھا لیکن کس انداز میں دیا گیا ایک سوالیہ نشان ہے۔

ایسے میں پیج پر پیشگی اطلاع کے بعد مری میں موجود سیاحوں کی بڑی تعداد ہوٹلوں میں بکنگ ہونے کے باوجود مری کو خیرآباد کہتے ہوۂے اپنے مقامات کو لوٹ گئے جس سے نہ صرف مقامی لوگوں کے کاروبار جبکہ مری کی سیاحت کو ناقابل تلافی نقصان پہنچا۔

مقامی انتظامیہ کے سربراہ کی جانب سے فیس بک پیج پر ڈسٹرکٹ پولیس اور نیشنل ہائی ویز اینڈ موٹروے پولیس کا الرٹ شئیر کرتے ہوئے مری آنے والے سیاحوں اور مقامی لوگوں کو کہا گیا کہ موجودہ موسمی حالات کے پیش نظر ”کلاؤٹ برسٹ” اور شدید بارشوں میں مری آنے سے گریز کریں۔لینڈ سلائیڈنگ سے سڑکوں کی بندش کا اندیشہ ہے اس لئے غیر ضروری سفر کرنے سے گریز کریں،سیاحوں کو ہدایت کی جاتی ہے کہ وہ موسم بہتر ہونے پر پہاڑی علاقوں کا رخ کریں۔