کلرسیداں(نمائندہ پنڈی پوسٹ)کلرسیداں کی مختلف سیاسی جماعتوں کے رہنماؤں نے سابق وزیرداخلہ چوہدری نثار علی خان کے دور کو سیاسی تاریخ کا سنہرا دور قرار دیا جے یو ائی کے صوبائی رہنما مولانا احسان اللہ چکیالوی نے چوہدری نثار علی کو ملک کا بڑا زیرک رہنما قرار دیتے ہوئے
کہا کہ چوہدری نثار علی جیسے لوگ صدیوں بعد پیدا ہوتے ہیں چوہدری نثار علی ہمارے خطے کے محسن تھے ان کی خدمات کے نشانات ہر جگہ موجود ہیں۔
مسلم لیگ ن کلرسٹی کے صدر حاجی اخلاق حسین نے کہا کہ چوہدری نثار علی خان نے کبھی وعدہ
خلاف نہیں کی ان کے ادوار میں مسلم لیگ ن کے کارکنوں کو بڑی عزت ملی چوہدری نثار علی خود مسلم لیگ ن چھوڑ گئے ورنہ کارکن آج بھی ان کے ساتھ ہوتے پیپلز پارٹی کلرسٹی کے صدر نوید اختر مغل نے کہا
کہ چوہدری نثار علی نے ہمارے علاقے کی بڑی خدمت کی ہم پر بڑا احسان ہے مگر ان کے بعد اس طرح کام نہ ہوسکے،کلرسیداں میں پانی کے دیرینہ مسئلہ کو چوہدری نثار علی نے حل کیا۔شیخ حسن سرائیکی نے کہا کہ چوہدری نثار سے رابطوں میں بہت اسانی تھی ہر کارکن کو بڑی عزت ملتی تھی
