پی ٹی آئی لانگ مارچ میں راولپنڈی کا فیصلہ کن کردار

پاکستان تحریک انصاف کا حقیقی آزادی مارچ منزل کی جانب رواں دواں ہے جنکی منزل شہر اقتدار ہے مگر اس سے قبل انکی منزل راولپنڈی ہے اور اس وقت پورے پاکستان اور تحریک انصاف کی نظریں راولپنڈی پر جمی ہیں کیونکہ یہاں پر موجود شرکاء کی تعداد ہی فیصلہ کرے گی کہ مارچ کی کیا صورتحال ہے اور ساتھ ہی چیئر مین تحریک انصاف عمران خان نے بھی خود پر حملے کے بعد جو تاحال زخموں کے سبب آرام کر رہے ہیں اہم اعلان کیا ہے کہ وہ لانگ مارچ جو ان پر قاتلانہ حملہ کے بعد دوبارہ شروع ہوا ہے جسکی قیادت اسد عمر اور شاہ محمود قریشی سمیت دیگر قیادت کر رہی ہے کو راولپنڈی سے جوائن کریں گے اور اسکی قیادت خود کریں گے تو ایسے میں پاکستان تحریک انصاف کی راولپنڈی قیادت پر بھاری ذمہ داری عائد ہوتی ہے کہ کیا وہ عمران خان کی توقعات پر پورا اتر سکیں گے یا نہیں شرکاء کو باہر نکال سکیں گے یا نہیں کیونکہ عمران خان نے خود متعدد موقعوں پر اس شکوہ کا اظہار کیا ہے کہ انکو راولپنڈی نے مایوس کیا ہے ابھی حال ہی میں چند ہفتے قبل راولپنڈی میں پارٹی عہدیداران سے حلف لینے کی تقریب میں بھی انھوں نے دوران خطاب اس بات کا اظہار کیا کہ 25 مئی کو ہونے والے مارچ میں راولپنڈی نے مایوس کیا ہے انکی توقعات کے مطابق عوام باہر نہیں آئی انکا ساتھ نہیں دیا تو ایسے میں یہاں کی قیادت پر ذمہ داری اور زیادہ بڑھ جاتی ہے کہ وہ شرکاء کو باہر نکالنے میں اپنا کردار ادا کریں اگر ہم دیکھیں راولپنڈی نے گزشتہ ہفتے جب چیئرمین تحریک انصاف عمران خان پر قاتلانہ حملہ ہوا تو پارٹی قیادت کے بعد راولپنڈی کے بارہ مقامات پر احتجاج کیا جس دوران راولپنڈی سے اسلام آباد کے تمام داخلی راستے بند کیے گئے تھے مگر اس دوران گو کہ موٹر وے سمیت تمام راستے بند تھے مگر شرکاء کی تعداد اتنی زیادہ نہیں تھی حالانکہ راولپنڈی اور اسلام آباد کی تمام قومی و صوبائی اسمبلی کی نشستیں بھی پاکستان تحریک انصاف کے پاس ہیں اور پنجاب میں حکومت بھی انکی لیکن اسکے باوجود کارکنان کی تعداد اتنی زیادہ نہیں نکلی مگر اب دیکھنا یہ کہ جب حقیقی آزادی مارچ راولپنڈی پہنچ رہا تو ایسے میں کیا یہاں سے عوام نکلے گی وہ اس آزادی مارچ کا حصہ بنے گی یہ تو وقت ہی بتائے گا کیونکہ یہاں سے نکلنے والی عوام فیصلہ کن کردار ادا کرے گی مگر ایسی صورتحال میں پاکستان تحریک انصاف راولپنڈی کی قیادت پر بھاری ذمہ داری عائد ہوتی ہے کہ وہ کارکنان کو باہر نکالیں اور اس مارچ میں شامل کریں