واہ کینٹ۔ ہومیو پیتھک ڈاکٹر ملک محمد خاور 31 سال مدت ملازمت مکمل کرنے کے بعد پی او ایف واہ سے ریٹائر ہو گئے ان کے اعزاز میں مقامی میرج ہال میں ایک شاندار تقریب کا اہتمام کیا گیا جس میں پی او ایف کے افسران، سٹاف اور ملازمین نے کثیر تعداد میں شرکت کی۔
شرکاء نے ملک محمد خاور کی پیشہ ورانہ خدمات کو زبردست خراج تحسین پیش کرتے ہوئے کہا کہ ملک محمد خاور نے اپنے فرائض منصبی بحسن وخوبی انجام دیے وہ ملنسار شخصیت کے مالک، مخلص ومشفق انسان ہیں جنہوں نے ہمیشہ ذاتی مفاد کی بجائے اجتماعی مفاد اور دوسروں کی فلاح وبہبود کے لیے کام کیا۔
تقریب میں ممبر ٹیکسلا بار مختار اجمل بھٹی ایڈووکیٹ، اسسٹنٹ ٹیکنیکل آفیسرز غلام حسین، سیف اللہ، قیصر محمود، سینیئر نائب صدر پی او ایف ورکمین ایسوسی ایشن واجد علی خان، اعجاز احمد قریشی، حافظ محمد ارشد، شیخ محمد آصف، مبین اقبال، حاجی محمد آصف، بشارت سلیمان سہروردی، ملک محمد حارث، محمد علی اور عارف محمود و دیگر شامل تھے
