پنڈی ٹیسٹ:گرین شرٹس پروٹینز کیخلاف مشکلات کا شکار

راولپنڈی (پنڈی پوسٹ نیوز) جنوبی افریقا کے خلاف دوسرے ٹیسٹ میں پاکستانی ٹیم دوسری اننگز میں 138 رنز بنا کر آؤٹ ہو گئی اور پروٹیز کی جیت کیلئے 68 رنز کا ہدف ملا ہے۔

پروٹیز کیلئے بنائی گئی سپن وکٹ پر پاکستان کے اپنے کھلاڑی ہی پھنس گئے ہیں، جنوبی افریقی باؤلرز نے پاکستانی بیٹرز کو گھما کر دکھ دیا، گرین شرٹس کی جانب سے کوئی بھی جم کر نہ کھیل سکا۔

راولپنڈی میں کھیلے جا رہے سیریز کے دوسرے میچ کے چوتھے روز پاکستان نے اپنی دوسری نامکمل اننگز 4 وکٹوں کے نقصان پر 94 رنز سے آگے بڑھائی مگر کھیل کے آغاز پر پہلے ہی اوور میں پاکستان کو بابر اعظم کی صورت میں بڑا نقصان اٹھانا پڑا، انہوں نے کھیل کے چوتھے روز صرف ایک رن بنا کر اپنی نصف سنچری مکمل کی اور وہ 50 رنز بنا کر آؤٹ ہو گئے، بعدازاں محمد رضوان ایک بار پھر ذمہ داری نہ دکھا سکے اور محض 18 رن بنا کر پویلین لوٹ گئے۔