پنجاب بدل رہا ہے

سابق وزیراعظم نواز شریف کی صاحبزادی مریم نواز صاحبہ جو کہ پاکستان کی پہلی خاتون وزیر اعلیٰ ہیں بطور وزیر اعلیٰ مریم نواز نے عہدہ سنبھالتے ہی پنجاب میں تعمیر وترقی کے لیے اقدامات کا سلسلہ شروع کر دیا تھا۔
اور یہ سلسلہ بہتر سے بہتر ہوتا گیا۔ جب بھی پرنٹ میڈیا یا سوشل میڈیا پر نظر پڑتی تو مریم نواز ہر جگہ چھائی ہوئی نظر آتیں ہیں۔ آئے دن نئے نئے منصوبوں کا آغاز ہوتا ہے۔

کسی بھی مرض میں مبتلا پنجاب کے عوام ہوں انہیں صحت کی سہولت دہلیز پر فراہم کی جا رہی ہے۔ پنجاب بھر میں موجود ہسپتالوں کی اپ گریشن و توسیع اور نئے ہسپتال قائم کرنا ایک بہترین عمل ہے۔ جبکہ کینسر اور عارضہ قلب ودیگر امراض کے علاج کے لیےخصوصی ہسپتالوں کی تعمیر انقلابی منصوبے میں شامل ہے۔

محکمہ تعلیم کی طرف خاص توجہ دی گئی۔ میٹرک تک فری تعلیم، درسی کتب،یونیفارم کے ساتھ چھوٹے بچوں کی غذائی کمی کو پورا کرنے کی کوشش کی جا رہی ہے۔ نوجوانوں کو اسان اقساط پر قرض اور تعلیم حاصل کرنے والوں کو ای بائیکس اور سکالرشپس دیے جا رہیں ہیں۔

معاشرے میں امن وامان قائم رکھنے کے لیے۔ پولیس کو جدید خطوط پر استوار کر کے قابل افسران کی تعیناتی کی گئی ہے۔ اور بہتری لانے کے لیے کئ معاملات میں تبدیلی کی گئی ہے۔ تاکہ جرائم کو کنٹرول کیا جا سکے۔ اور پولیس ڈیپارٹمنٹ احسن طریقے سے اپنے فرائض آدا کر سکے۔

زراعت کا پیشہ پاکستان کے لیے ایک ریڑہ کی حیثیت رکھتا ہے۔ لہذامحکمہ زراعت کی ترقی کے لیے ۔کسانوں کو قرضہ جات کی فراہمی اور زرعی الات کی تقسیم انتہائی احسن اقدام ہیں۔ نقل و حمل کی صورت حال کو بہتر کرنے کے لیے۔ پنجاب بھر میں پھیلے روڈ نیٹ ورک کی تعمیر ومرمت کیساتھ نئی سڑکوں کی طرف خاص توجہ دی جا رہی ھے۔ اور پنجاب کے کئی شہروں کوالیکٹرک بسوں کاتحفہ بھی ملا۔ انشاء اللہ پنجاب بدل رہا ہے ،ترقی کی نئی راہیں کھل رہی ہیں۔

وزیر اعلیٰ پنجاب نے مذہبی اقلیتوں کے لیے بھی تاریخی اقدام اٹھائیں ہیں۔ پہلی بار پنجاب کابینہ میں اقلیتی وزیر خدمات سر انجام دے رہے ہیں۔ انکے لیے مالی امداد، مینارٹی کارڈ جاری کیا گیا جو تاریخ ساز اقدام ہیں۔ عصرحاضر میں مریم نواز واحد سیاست دان ہیں جنہوں نے اقلیتوں کے حقوق کے تحفظ کے ساتھ ان کی مالی امداد کا فیصلہ کیا ۔

سی ایم پنجاب کی جانب سے دھی رانی، اپنی زمین اپنا گھر، لیپ ٹاپ سکیم کے علاوہ پنجاب بھر میں صفائی ستھرائی کے خصوصی اقدامات کیے اور حال ہی میں سیلاب زدگان کی بحالی کے لیے کئی اقدامات اٹھانے پر خوب سراہا گیا کیونکہ ماضی میں ایسے کاموں پر کبھی بھی توجہ نہی دی ۔اسی وجہ سے مریم نواز کا بطور وزیر اعلیٰ عملی کردار قابل تعریف ہے۔ نہ صرف پاکستان کی سیاست پر گہرے اثرات ڈال رہا ہے بلکہ دنیا بھر میں اثرانداز ہو رہا ہے۔ جسطرح تیزی سے پنجاب کے عوام کی تعمیر ترقی کے لیے اقدامات کر رہی ہیں۔ تو یہی چیز ان کو دیگر سے ممتاز کر رہی ہے۔

وزیر اعلیٰ مریم نواز نے اپنی ذمہ داری کو محض دفتر تک محدود نہ رکھتے ہوئے عوام کے درمیان جا کر ان کی زندگیوں میں حقیقی تبدیلی لانے کا ثبوت دیا۔ اصل خدمت ہی یہ ہے کہ ایک لیڈر عوام کے دکھ سکھ، راحت اور خوشیوں میں خود کو شامل کرے۔پنجاب کی بیٹی مریم نواز نہ صرف ایک باوقار سیاست دان ہیں بلکہ وہ عزم اور قیادت کی علامت بھی ہیں۔

اب بات کچھ اسطرح کی ہے کہ سی ایم پنجاب نےتو بہت سے منصوبوں کا اعلان کیا اور کر رہیں ان منصوبوں میں سے تو کچھ منصوبے ایسے ہیں کہ عوام باسانی مستفید ہو سکتی ہے جبکہ کچھ منصوبوں کو عوام تک پہنچانے کے لیے کچھ افراد اور اداروں کاانتخاب کیا گیا ہےمطلب یہ کہ پنجاب بھر کی انتظامی مشینری اگر اپنے فرائض دیانتداری اور احسن طریقے سے ادا کریں تو ہی ان پروجیکٹس سے پاکستانی عوام مستفید ہو سکتی ہے۔ کیوں کہ ہمارے لوگوں کی کثیر تعداد سادہ اور ناخوندہ افراد پر مشتمل ہے۔ جسکی وجہ سے اسطرح کے لوگ پیچھے رہ جاتے ہیں۔ لہذا ایسے طبقہ کو مکمل رہنمائی کی ضرورت ہے۔
روبینہ سیدہ