کراچی (حذیفہ اشرف)پاکستان نیوی نے بحیرہ عرب میں ایک شاندار کارروائی کرتے ہوئے تقریباً 1 ارب ڈالر مالیت کی منشیات قبضے میں لے لیں، جس پر امریکی سینٹرل کمانڈ (سینٹ کام) نے پاک بحریہ کو خراج تحسین پیش کیا ہے۔کارروائی سعودی قیادت میں قائم مشترکہ ٹاسک فورس 150 کے تحت انجام دی گئی، جس میں پی این ایس یرموک نے اہم کردار ادا کیا۔ محض 48 گھنٹوں کے اندر پاکستان نیوی نے دو مشتبہ کشتیوں سے دو ٹن کرسٹل میتھ، 350 کلو آئس، اور 50 کلو کوکین برآمد کی، جن کی مجموعی مالیت 97 کروڑ 24 لاکھ ڈالر بنتی ہے۔سعودی رائل نیوی کے کمانڈر فہد الجوید نے اس کامیاب آپریشن کو عالمی سطح پر تعاون کی بہترین مثال قرار دیا۔ اس کارروائی نے پاکستان نیوی کی پیشہ ورانہ صلاحیتوں اور عالمی سیکیورٹی میں شراکت کو اجاگر کیا
