لاہور(پنڈی پوسٹ نیوز)وزیراعلیٰ پنجاب مریم نواز عالمی کاپ 30 کانفرنس میں شرکت کیلئے برازیل پہنچ گئیں ۔ سینئر صوبائی وزیر مریم اورنگزیب، وزیرتعلیم رانا سکندرحیات اور وزیر لوکل گورنمنٹ ذیشان رفیق بھی وزیراعلیٰ کے ہمراہ ہیں۔ وزیراعلیٰ مریم نواز شریف کاپ 30 کانفرنس میں پنجاب میں ماحولیاتی بہتری کے وژن اور اقدامات پر کلیدی خطاب کریں گی ۔ وزیراعلیٰ کلائمیٹ ریزیلینس، ستھرا پنجاب، الیکٹرک گاڑیوں، جنگلات اور جنگلی حیات کے تحفظ و فروغ کا وژن اجاگر کریں گی ۔کاپ 30 کانفرنس 21 نومبر تک جاری رہے گی -وزیراعلیٰ پنجاب دورہ برازیل کے دوران عالمی رہنماؤں، بین الاقوامی ماحولیاتی اداروں کی قیادت اور ماہرین سے بھی ملاقات کریں گی۔
