ناجائز اسلحہ رکھنے پر 9 افراد گرفتار

راولپنڈی(نمائندہ پنڈی پوسٹ)راولپنڈی پولیس کا ناجائز اسلحہ رکھنے والوں کے خلاف موثر کریک ڈاؤن،09ملزمان گرفتار،اسلحہ معہ ایمونیشن برآمد، مقدمات درج۔ تفصیلات کے مطابق ایس ایچ اوویسٹریج نے اپنی ٹیم کے ہمراہ کاروائی کرتے ہوئے05 ملزمان مشتاق خان، بلند اقبال، حسیب اللہ، ماجد حسین اور اسامہ علی کو گرفتار کرلیا، ملزمان کے قبضہ سے 05پستول30بور معہ ایمونیشن برآمد ہوئے، ایس ایچ او واہ کینٹ نے اپنی ٹیم کے ہمراہ کاروائی کرتے ہوئے ملزم ماجد جہانگیر کو گرفتا رکرکے ملزم کے قبضہ سے01پستول30بور معہ ایمونیشن برآمد کرلیا،ایس ایچ اومندرہ نے اپنی ٹیم کے ہمراہ کاروائی کرتے ہوئے ملزم راشد محمود کو گرفتار کرکے ملزم کے قبضہ سے01پستول 30بور معہ ایمونیشن برآمد کیا،ایس ایچ او کوٹلی ستیاں نے اپنی ٹیم کے ہمراہ کاروائی کرتے ہوئے ملزم وارث علی کو گرفتا رکرکے ملزم کے قبضہ سے01پستول30بور معہ ایمونیشن برآمد کیا، ایس ایچ او مری نے اپنی ٹیم کے ہمراہ کاروائی کرتے ہوئے ملزم محمود الرحمن کو گرفتار کرلیا، ملزم کے قبضہ سے01پستول30بور برآمد کرکے ملزمان کے خلاف الگ الگ مقدمات درج کرلیے گئے،ڈویژنل ایس پیز کا کہنا تھا کہ منشیات فروشوں، شراب سپلائرز اور ناجائز اسلحہ رکھنے والوں کے خلاف کاروائیاں جاری رکھی جائیں۔