میرپور رڑاہ بڑجن روڈ پر خاتون کی پر اسرار نعش برآمد، علاقہ میں خوف و ہراس

اسلام گڑھ (نامہ نگار):
رڑاہ بڑجن روڈ پر ایک خاتون کی پر اسرار نعش برآمد ہوئی ہے، جس سے علاقے میں شدید خوف و ہراس پھیل گیا۔ اطلاع ملتے ہی تھانہ اسلام گڑھ پولیس فوری طور پر موقع پر پہنچ گئی اور نعش کو اپنی تحویل میں لے کر پوسٹ مارٹم کے لیے ڈی ایچ کیو ہسپتال میرپور ریفر کر دیا گیا۔

ایس ایچ او اسلام گڑھ نے جائے وقوعہ کا تفصیلی معائنہ کیا اور موقع پر موجود شواہد کو اکھٹا کیا۔ تاحال یہ واضح نہیں ہو سکا کہ خاتون کی موت قتل ہے، حادثہ ہے یا خودکشی، تاہم پولیس مختلف پہلوؤں سے تفتیش کر رہی ہے۔

نعش کے ساتھ موجود پرس میں سے شناختی کارڈ برآمد ہوا ہے، جس کے مطابق متوفیہ کا نام راشدہ بی بی اور شوہر کا نام محمد اقبال ہے، جن کا تعلق ضلع فیصل آباد سے ہے۔