چوہدری ساجد
گاؤں موہڑہ حیال تحصیل کلر سیداں میں چوکپنڈوری بازار سے محض ایک کلومیٹر کے فاصلے پر جنوب کی سمت بھاٹہ روڈ کے کنارے واقع ہے یہ قدیمی گاؤں یونین کونسل بشندوٹ کا حصہ ہے آبادی کی اکثریت سرکاری ملازمت اور ذاتی کاروبار سے وابستہ ہے اور معقول تعداد دیارِ غیر میں حصولِ رزق کیلئے کوشاں ہے چوکپنڈوری بازار میں قیمتی کمرشل زمینوں
کی مالکیت کے علاوہ بھاٹہ روڈ کے دونوں اطراف بیشتر زمینوں کے وراثت ناموں کا اندراج بھی اسی گاؤں کی آبادی کے نام ہے ضروریات زندگی کی تمام آسائشیں میسر ہیں سیاسی حوالے سے گاؤں کی اہم سیاسی شخصیات میں چوہدری محمد نزیر مرحوم کا نام قابلِ زکر ہے انکا شمار علاقے کے ابتدائی سیاسی
قائدین میں ہوتا ہے چئرمین کے عہدے پر بھی براجمان رہے چوکپنڈوری میں علاقے کے سیاسی اکابرین کی روزانہ کی بنیاد پر بیٹھک کا انعقاد کرنا انکی روزمرہ زندگی کا معمول تھا جس میں عوامی مسائل اور حل کیلئے مختلف تجاویز پر غور کیا جاتا تھا جس سے علاقے میں مثبت سیاسی اور جمہوری سرگرمیوں کو فروغ حاصل ہوا سابقہ ایم پی اے محمود شوکت بھٹی کو سیاست میں متعارف کرانے کا کریڈٹ بھی انہی کو جاتا ہے آپ کا شمار علاقے کی صاحبِ ثروت سیاسی اور کاروباری شخصیات میں ہوتا تھا انکے علاوہ چوہدری حاجی محمد نصیر مرحوم کا شمار بھی گاؤں کی اہم مذہبی سیاسی اور سماجی اکابرین کی فہرست میں شامل ہے طویل عرصہ تک آپ چوکپنڈوری قدیمی مسجد کمیٹی کے چیئرمین رہے اسکے علاوہ تالاب کی زمین جو سکھ اقلیتی برادری کی مالکیت تھی اسکو واگزار کرانے کی غرض سے حکومت پنجاب کے خلاف عدالت میں مقدمہ دائر کیا اور دل جمی سے مقدمے کی پیروی کی عدالت میں آپکا موقف درست ثابت ہوا اور عدالتی فیصلہ آپکے حق میں آیا اس تالاب کی جگہ آج چوکپنڈوری اور علاقے کی عظیم جامع مسجد کی عمارت کھڑی ہے مسجد کی تعمیر میں بھی آپکا کردار انتہائی اہم تھا آپ انتہائی صاف گو اور اصول پسند شخصیت کے حامل انسان تھے سیاسی اور سماجی حوالے سے جناب حاجی محمد اظہر حسین آزاد کا نام کسی تعارف کا محتاج نہیں انکا شمار مسلم لیگ نواز کے سینئیر ترین بزرگ سیاسی راہنماؤں میں ہوتا ہے سابقہ کونسلر کے عہدے پر بھی متمکن رہے چوہدری نثار علی خان کے قریبی ساتھیوں میں شمار کیے جاتے ہیں علاقے اور گاؤں کی سطح پر جاری خانگی چپقلش اور جھگڑے کی صورت میں فریقین کے درمیان امن و آشتی کی فضا برقرار رکھنے اور باہمی راضی نامہ کے سلسلے میں کی جانے والی انکی مخلصانہ کوششیں قابلِ تعریف ہیں گاؤں کی مذہبی شخصیات میں حاجی مظہر حسین مرحوم کا نام قابلِ زکر ہے چوک پنڈوری میں عظیم جامع مسجد کی تعمیر کا سنگ بنیاد رکھا ذاتی دلچسپی تائید الہی اور مخلوقِ خدا کے تعاون سے مسجد کی تعمیر کو پایہ تکمیل تک پہنچایا عیدمیلاالنبی کے موقعہ پر محفل کا انعقاد کرنا انکا شیوہ اور احکامِ الہی کی بجاآوری انکا مقصدِ حیات تھا دینی حوالے سے انکی خدمات قابلِ ستائش ہیں گاؤں کی علمی شخصیات میں ماسٹر محمد طاہر صاحب کا نام قابل ذکر ہے طویل عرصہ تک بطورِ معلم محکمہ تعلیم میں فرائض سرانجام دیے فن خطاطی میں انہیں بڑی مہارت حاصل ہے اور خوش نویسی میں انکا کوئی نعم البدل نہیں والی بال کے کھیل سے گہرا شغف رکھتے ہیں اس ضمن میں ملکی اور ضلع کی سطح پر والی بال کے بہترین کھلاڑی متعارف کرانے میں انکا کردار انتہائی اہم ہے علاقے کے شہرت یافتہ ڈھولکی نواز اللہ دتہ کا تعلق بھی اسی گاؤں سے ہے طویل عرصے سے اس فن سے آشنا ہیں ثقافتی تہوار اور شادی بیاہ کی تقریبات میں مہندی کی رات اپنے مخصوص انداز میں ڈھول اور ترتری کی دھن پر اپنے فن کا مظاہرہ کر کے شادی کی خوشیوں کو چار چاند لگا دیتے ہیں اداس لمحوں
میں انکے راگ چھیڑنے سے چہروں پر خوشی اور مسرت لوٹ آتی ہے یہ علاقے اور گاؤں کا ایک قیمتی ثقافتی اثاثہ ہیں تاحال لوگوں میں خوشیاں بانٹنے کا فریضہ سر انجام دے رہے ہیں گاؤں موہڑہ حیال مذہبی علمی اور سیاسی شخصیات کی آمجگاہ ہے دعا ہے کہ اللہ تعالی اس گاؤں کے باسیوں کو اپنے حفظ وامان میں رکھے اور گاؤں کی ترقی و خوش حالی کا سفر سدا جاری و ساری رہے آمین