مندرہ (نمائندہ پنڈی پوسٹ) جی ٹی روڈ مندرہ کے مقام پر افسوسناک ٹریفک حادثہ پیش آیا جہاں تیز رفتار کار نے موٹر سائیکل کو ٹکر مار دی۔ حادثہ اس قدر شدید تھا کہ موٹر سائیکل سوار موقع پر ہی دم توڑ گیا۔ایمرجنسی کال موصول ہوتے ہی ریسکیو ٹیمیں فوری طور پر جائے وقوعہ پر پہنچ گئیں۔
جاں بحق ہونے والے شخص کی لاش کو قریبی اسپتال منتقل کر دیا گیا ہے، جب کہ پولیس نے حادثے کی تحقیقات کا آغاز کر دیا ہے۔عینی شاہدین کے مطابق کار ڈرائیور کی غفلت حادثے کا سبب بنی۔ پولیس واقعے کے ذمہ دار ڈرائیور کی تلاش میں مصروف ہے۔
