معروف ماہرِ تعلیم، نامور شاعر و ادیب راجہ مختار احمد سگھروی کا شہرۂ آفاق سفرنامہ “اسفارِ مقدس” کا دوسرا ایڈیشن شائع ہو گیا ہے۔

تفصیلات کے مطابق اس سفرنامے کا پہلا ایڈیشن دسمبر 2024ء میں منظرِ عام پر آیا تھا، جسے ادبی و علمی حلقوں میں غیر معمولی پذیرائی حاصل ہوئی۔ قارئین کی بڑھتی ہوئی دلچسپی اور مقبولیت کے پیشِ نظر اب اس کا دوسرا ایڈیشن ستمبر 2025ء میں اردو سخن، چوک اعظم (لیہ) نے شائع کیا ہے۔

کتاب کی وقعت اور ادبی اہمیت کو مزید اجاگر کرنے کے لیے ممتاز علمی و ادبی شخصیات کے مضامین اور آراء بھی شامل کی گئی ہیں، جن میں حضرت علامہ رفاقت علی حقانی، ڈاکٹر عامر ظہیر بھٹی، پروفیسر سید نصرت بخاری، ناصر ملک، شہزاد حسین بھٹی، گوہر رحمن گوہر اور اقبال زرقاش جیسے معتبر نام شامل ہیں۔ اس سے پہلے ان کے دوشعری مجموعے “یہی کمائی ہے”، “بِیتے لمحے یاد آئے”اور ایک سفرنامہ”اسفار مقدس”کا (ایڈیشن اول) منصہء شہود پر آ چُکے ہیں۔
راجا مختار احمد سگھروی نے اپنی کُتب علمی و ادبی شخصیات کو تحفتاً پیش کیں۔